Jerusalem Sākhaihaiwui Vang Kashā
Jerusalemwui kharing ngayākhui haira, kala Nehemiahna miva̱ ali kasemngakakhavai lamshok. Hiwui kakaili seihorkhavai kaphung akha pamhaira—awui miva̱ ramkhamāl kachida kha khaung kasa Avāwui maramli kasāpai.
1 1Hacaliahwui nao Nehemiahwui tuina. Kislev kachāngli, khamaga̱ kumli, I Susa keinungli pamlakha, a a v1 Kislev hi Hebrewbingwui kachāng kachikona, November kapeili eina Decemberli tāshunga.
2Iwui achinangarāwui akha Hanani, Judahwui mibingli ngasounga. Ina athumli raithā kahaiwui eina ringkashoka Jihudibing kala Jerusalemwui pongli ngahāna. 3Athumna ili hānga, "Raithā eina ringkashoka apam ngaleili khalei shākkahaibing kakhanang kahaka kala maishi lei. Jerusalemwui phākho sākhayanghaira, awui ngaveila meina chuitāhaira."
4Tui hi kashā tharan, ina pamda chapa. Kala zimiksho kaikha peichaoda sifada, khumda kala kazingramli khalei ithumwui Avāwui mangāli seihā sai. 5Ina hānga, "O kazingramli khalei iwui Avā, ina nali kapona, hakkhamahā kala khangachee-khangachā Vare, nali leikashe kala awui ningkhami mayonbingli tuingashit kala makhangachei leikashi mayonkhame," 6nawui khanā theimida kala namik rakta, aja ngashun ngayā narao ina nawui naraobing Israelwui vang namangāli seihā sāda kapo hi khashāmilu; ithum Israelnaobingna nali morei sāhaira da hāngphatta. I kala iwui avāwui shimkhurna morei sāhaira. 7Nawui rao Mosesli kakaso ningkhami, shiyan, kala shiyan-chikan mamayonla, ithumna nali khayon kachangkhata sāhaira.
8Nawui rao Mosesli kakaso tui chi phaningunglu: "Nathumna ili ning makatong otsak sāhairakha, ina nathumli mibingwui ngachaili chaiyāngmihaora, 9kha nathumna ili mai ngareiungda, iwui ningkhami mayonda, chi sāhairakha, nathumwui raithā kahaibing kazingramwui katāva̱ ayarli leilala, ina athumli chiwui eina kazipkhuira kala iwui ming chili leingasaka khavai ina kapangkhui kahai apamli khuivāra."
10Athum nawui naraobing, nawui mina, nana nawui hakkhamahā pangshap kala nawui pāng kayang eina ngatangmi kahaibingna. 11O Proho iwui Avā, nawui khanā narao ina seihā kasā kapoli, kala nawui naraobing nawui mingli khangacheea ringphābingwui seihā kasā kapoli nāshungda shāmilu. Aja narao ili maikhayā milu, kala mipā hiwui mangāli ali lukhamashan samphang ngasakmilu. Atam chitharan ina awungawui pong singme sāsai.
