Jerusalem bhangi juwa laga khobor ahise
Jerusalem laga deewal khan bhangi kene pori ase, aru Nehemiah pora manuh khan ke etu aru ekbar bonabole agete loi jai. Majot te ekta dangor prathana ase jun ekjon Pitri ke yaad kore jun Tai laga manuh khan ke proti jongol te bachai rakhise.
1 1Hacaliah laga chokra Nehemiah laga kotha khan. Kislev mohina te, bisla saal te, moi Susa laga kella te thakise, a a v1 Kislev tu Ibrani calendar laga nou nombor mohina asele, November laga ses pora December tak giri.
2Moi laga bhai khan majote ekjon, Hanani, Judah pora manuh khan logote ahise. Bondhi ghor pora bachi juwa, aru chari diya Yehudi khan laga kotha, aru Jerusalem laga kotha, moi tarkhan ke hudise. 3Tarkhan pora moi ke koise, “Bondhi pora chari diya bachi juwa manuh khan, hei desh te, dangor dukh aru sorom te ase. Jerusalem laga deal bhangi jaise, tar duwar khan jui pora julai dise.”
4Eitu kotha khan huni kene, moi bohi kene kandise, bisi din tak mon dukh kori kene, upwas rakhi kene aru Sorgot te thaka amar Pitri usorte prathana korise. 5Moi koise: Anurodh ase, sorgot te thaka moi laga Pitri, dangor aru bhoi lagibole Isor, kun pora Tar ke morom kora aru Tar hukum khan mana manuh khan logote vachan aru biswasi morom rakhe, 6Apuni laga kan huni bole taiyar hobi aru Apuni laga suku khuli thakibi, moi, Apuni laga noukar, etiya din aru rati, Israel, Apuni laga noukar khan nimite Apuni usorte kori ase eitu prathana huni bole—amikhan Israel manuh khan Apuni birodhe kora paap khan shikar kori ase. Moi aru moi laga baba laga ghor paap korise. 7Amikhan Apuni birodhe bisi biya korise, Apuni laga noukar Moses ke diya hukum, niyom, aru bisar khan namani kene.
8Anurodh ase, Apuni laga noukar Moses ke diya kotha yaad koribi: “Jodi tumikhan biswasi nohoi, Moi tumikhan ke desh laga manuh khan majote chitrai dibo, 9kintu jodi tumikhan Moi logote wapas ahe, Moi laga hukum khan mani kene, eitu khan kore, tumikhan laga bondhi khan akas laga sob pora dur kinar te thakile bhi, Moi tarkhan ke ta pora joma kori kene, Moi laga nam ta te thaki bole basi luwa jaga te anibo.”
10Tarkhan Apuni laga noukar khan, Apuni laga manuh khan ase, kunkhan ke Apuni dangor takot aru Apuni laga mojboot hath pora mukti dise. 11Anurodh ase, moi laga Malik Pitri, Apuni laga kan Apuni laga noukar laga prathana te, aru Apuni laga nam ke bhoi kori bole khushi pa Apuni laga noukar khan laga prathana te, huni bole thakibi. Aji Apuni laga noukar ke safolta dibi, aru eitu manuh usorte tar ke doya pabole dibi. Hei somoite moi raja laga kup dhora manuh asele.