Labari ya Zo na Rushewar Urushalima

Garun Urushalima sun zama kufai, Nehemiya kuwa ya jagoranci jama'a su sake gina su. A tsakiya akwai babbar addu'a mai tunawa da Uba wanda ya riƙe jama'arsa cikin kowane jeji.

Babi na 1.

Maganganun Nehemiya ɗan Hakaliya. A watan Kislif, a shekara ta ashirin, ina a fadar Shusha, ^a

Sai Hanani, ɗaya daga cikin 'yan'uwana, ya zo tare da waɗansu mutane daga Yahuda. Na tambaye su game da Yahudawan da suka tsira, waɗanda suka rage daga zaman talala, da kuma game da Urushalima. Suka ce mini, “Raguwar da ta rage daga zaman bauta, a can a lardin, suna cikin babbar wahala da kunya. An rushe katangar Urushalima, an kuma ƙona ƙofofinta da wuta.”

Da na ji waɗannan maganganu, sai na zauna na yi kuka, ina makoki kwanaki da yawa, ina azumi ina addu'a a gaban Ubanmu na Sama. Na ce, Ya Ubana na Sama, ina roƙonka, Allah mai girma mai banrazana, wanda yake kiyaye alkawari da madawwamiyar ƙauna ga waɗanda suke ƙaunarsa suna kuma kiyaye umarnansa, ka kasa kunne ka kuma buɗe idanunka, domin ka ji addu'ar da ni, bawanka, nake yi a gabanka yanzu, dare da rana, saboda Isra'ila, bayinka—ina furta zunuban da mu Isra'ilawa muka yi maka. Ni da gidan mahaifina mun yi zunubi. Mun yi maka laifi ƙwarai, ba mu kiyaye umarnai, da ƙa'idodi, da hukunce-hukuncen da ka umarci bawanka Musa ba.

Ka tuna, ina roƙonka, da umarnin da ka ba wa bawanka Musa cewa, “In kuka yi rashin aminci, zan warwatsa ku a cikin mutane, amma in kuka komo gare ni, kuka kiyaye umarnaina, kuka kuma aikata su, ko da waɗanda aka kora daga cikinku suna a iyakar sammai mafi nisa, zan tattara su daga can in kawo su wurin da na zaɓa domin sunana yă zauna a can.”

Su bayinka ne, mutanenka, waɗanda ka fanshe da ikonka mai girma da hannunka mai ƙarfi. Ya Ubana Mai Iko Duka, ina roƙonka, bari kunnenka yă saurari addu'ar bawanka, da kuma addu'ar bayinka—waɗanda suke jin daɗin tsoron sunanka. Ka ba wa bawanka nasara yau, ka kuma sa ya sami jinƙai a gaban wannan mutumin. A lokacin ni mai riƙon ƙoƙon sarki ne.