स्तोत्रसंहिता 62

62 ¹ माझा जीव केवळ माझ्या पित्याचीच शांतपणे वाट पाहतो; त्याच्यापासूनच माझे तारण येते. ² तोच माझा खडक व माझे तारण आहे, माझा दुर्ग आहे; मी कधीही फार ढळणार नाही. ³ तुम्ही सर्व एका माणसावर कोठवर हल्ला कराल, त्याला तोडून पाडाल, कलत्या भिंतीसारखे, डळमळत्या कुंपणासारखे? ⁴ त्याला त्याच्या उच्च स्थानावरून खाली पाडण्याचाच ते बेत करतात; त्यांना लबाडीत आनंद वाटतो. आपल्या मुखाने ते आशीर्वाद देतात, पण अंतर्यामी शाप देतात. सेला

⁵ हे माझ्या जीवा, केवळ माझ्या पित्याचीच, शांतपणे वाट पाहा, कारण माझी आशा त्याच्यापासून आहे. ⁶ तोच माझा खडक व माझे तारण आहे, माझा दुर्ग आहे; मी ढळणार नाही. ⁷ माझे तारण व माझे वैभव माझ्या पित्यावर अवलंबून आहे; माझा बलवान खडक, माझा आश्रय, माझ्या पित्यामध्ये आहे. ⁸ लोकहो, सर्व वेळी त्याच्यावर भरवसा ठेवा; आपले अंतःकरण त्याच्यापुढे ओतून टाका; आमचा पिता आमच्यासाठी आश्रय आहे. सेला

⁹ खरोखर, हलक्या दर्जाचे लोक केवळ श्वासमात्र आहेत, बलवान लोक भ्रममात्र आहेत; तराजूत ठेवले तर ते वर जातात — एकत्र मिळून ते श्वासाहूनही हलके भरतात. ¹⁰ जुलमाने मिळवलेल्या धनावर भरवसा ठेवू नका; लुटीवर व्यर्थ आशा ठेवू नका; संपत्ती वाढली तरी, आपले मन तिच्यावर लावू नका. ¹¹ एकदा आमचा पिता बोलला आहे; दोनदा मी हे ऐकले आहे: की सामर्थ्य आमच्या पित्याचे आहे, ^a a v11 "एकदा… दोनदा" हा एक इब्री काव्यरचनेचा नमुना आहे, ज्याचा अर्थ: सर्वांहून अधिक हेच सर्वात महत्त्वाचे आहे. ¹² आणि हे माझ्या सार्वभौम पित्या, तुझ्याकडे, कराराचे प्रेम आहे. कारण तू प्रत्येकाला त्याच्या कृत्यांप्रमाणे प्रतिफळ देशील.