መዝሙር 62 FHB Father's Heart Bible™

62 ¹ነፍሰይ ንኣቦይ በይኑ ብፀጥታ ትፅበ፤ ምድሓነይ ካብኡ እዩ ዝመፅእ። ²ንሱ በይኑ ኸውሐይን ምድሓነይን፥ እምባይ እዩ፤ ብብርቱዕ ኣይናወፅን እየ። ³ክሳዕ መዓዝ ኢኹም ዅልኻትኩም ንሓደ ሰብ እትዋግኡ፥ ከም ዝዛነፈ መንደቕ፥ ከም ዝናወፅ ሓፁር ገይርኩም እተፍርስዎ? ⁴ካብ ልዑል ሽመቱ ኼውድቕዎ ጥራሕ እዮም ዝሓስቡ፤ ብሓሶት ይሕጐሱ። ብኣፎም ይምርቑ፥ ብውሽጦም ግና ይረግሙ።

⁵ንኣቦይ በይኑ፥ ኦ ነፍሰይ፥ ብፀጥታ ተፅበዪ፤ ተስፋይ ካብኡ እዩ እሞ። ⁶ንሱ በይኑ ኸውሐይን ምድሓነይን፥ እምባይ እዩ፤ ኣይናወፅን እየ። ⁷ምድሓነይን ክብረይን ኣብ ኣቦይ እዩ ዝምርኰስ፤ ብርቱዕ ከውሐይን መሕብኢየይን ኣብ ኣቦይ እዩ። ⁸ኣቱም ህዝቢ፥ ኵልሻዕ ብእኡ እመኑ፤ ልብኹም ኣብ ቅድሚኡ ኣፍስሱ፤ ኣቦና ንዓና መዕቘቢ እዩ።

⁹ብሓቂ ትሑታት ትንፋስ ጥራሕ እዮም፥ ሓያላትውን ከንቱ እዮም፤ ኣብ ሚዛን ይድይቡ፤ ብሓባር ካብ ትንፋስ ይቐልሉ። ¹⁰ብግፍዒ ኣይትእመኑ፤ ብምዝራፍ ከንቱ ተስፋ ኣይትግበሩ፤ ሃብቲ እንተ በዝሐ፥ ልብኹም ኣብኡ ኣይተንብሩ። ¹¹ኣቦና ሓደ ሻዕ ተዛሪቡ፤ ኽልተ ሻዕ እዙይ ሰማዕኹ፤ ሓይሊ ናይ ኣቦና ምዃኑ፥ ^a a v11 “ሓደ ሻዕ… ክልተ ሻዕ” ዝብል፥ እዙይ ልዕሊ ዅሉ ኣገዳሲ ምዃኑ ዘመልክት ናይ እብራውያን ግጥማዊ ኣገባብ እዩ። ¹²ናትካ ኸዓ፥ ኦ ጐይታይ፥ ምሕረት እዩ። ንነፍሲ ወከፍ ሰብ ከም ግብሩ ኽትፈድዮ ኢኻ እሞ።