መዝሙር 62

62 ¹ነፍሴ አባቴን ብቻ በዝምታ ትጠባበቃለች፤ ድነቴ ከእርሱ ነው። ²እርሱ ብቻ ዐለቴና ድነቴ ነው፤ አምባዬ ነው፤ ከቶ እጅግ አልናወጥም። ³እስከ መቼ ድረስ ሁላችሁ አንድን ሰው ታጠቃላችሁ? እንደ ተዳፋ ግድግዳ፣ እንደ ተነቃነቀ አጥር ታደቁሱታላችሁ። ⁴ከከፍታ ስፍራው ሊጥሉት ብቻ ያሤራሉ፤ በውሸትም ደስ ይላቸዋል። በአፋቸው ይባርካሉ፤ በልባቸው ግን ይረግማሉ።

⁵ነፍሴ ሆይ፣ አባቴን ብቻ በዝምታ ተጠባበቂ፤ ተስፋዬ ከእርሱ ነውና። ⁶እርሱ ብቻ ዐለቴና ድነቴ ነው፤ አምባዬ ነው፤ አልናወጥም። ⁷ድነቴና ክብሬ በአባቴ ላይ ነው፤ ብርቱ ዐለቴና መጠጊያዬ በአባቴ ነው። ⁸እናንተ ሕዝብ ሆይ፣ ሁልጊዜ በእርሱ ታመኑ፤ ልባችሁን በፊቱ አፍስሱ፤ አባታችን መጠጊያችን ነውና።

⁹ተራ ሰዎች በእርግጥ እስትንፋስ ብቻ ናቸው፤ ኀያላኑም ሐሰት ናቸው፤ በሚዛን ላይ ቢመዘኑ ይወጣሉ፤ ሁሉም በአንድነት ከእስትንፋስ ይቀላሉ። ¹⁰በግፍ አትታመኑ፤ በዝርፊያም ከንቱ ተስፋ አታድርጉ፤ ባለጠግነት ቢጨምር፣ ልባችሁን በእነርሱ ላይ አታድርጉ። ¹¹አባታችን አንድ ጊዜ ተናግሯል፤ ይህን ሁለት ጊዜ ሰምቻለሁ፤ ኀይል የአባታችን ነው፤ ^a a v11 “አንድ ጊዜ… ሁለት ጊዜ” የሚለው የዕብራይስጥ የግጥም ዘይቤ ሲሆን ትርጒሙም ከሁሉ በላይ ዋናው ይህ ነው ማለት ነው። ¹²ሉዓላዊ አባቴ ሆይ፣ ለአንተም ምሕረት ነው። አንተ ለእያንዳንዱ ሰው እንደ ሥራው ትከፍለዋለህና።