Imanglā Hona
Laa kharei khavai. Jeduthunwui vang. Davidwui laa akha.
Davidna awui Avāli ja̱da chingrida hona, kalei mibingna pithuinanai khalei raipam thāda ali shaopamfaraya, khamor eina somi kha alungshong khonshiya. Kazā kala kashang-khareibing ana khāngkār kaida kharā khaksuikha lāngda khaigāi saikora, chieina kalei mibingli athumwui ning mizangluvā da hāngmi.
62 1Iwui Avā maningla imanglā ja̱da hona; iwui huikhami awui eina samphanga. 2A maningla iwui lunghār kala iwui huikhamina, iwui raikānphungna; I hakkhamahā mangatha̱luimara. 3Mi akhali nathumna karankha rānganairakhala, ali sātekmida, ngazunga phākho thāda, nganuka pan thāda? 4Awui kajui otpam eina ali ngatha̱ ngasak khavai maningla athumna phaninga; kakapikli athumna ringphāra. Khamor eina athumna somi, kha alungli athumna khonshi.
5Iwui Avā maningla, O imanglā, ja̱da honlu, kaja iwui kachihān awui eina samphanga. 6A maningla iwui lunghār kala iwui huikhamina, iwui raikānphungna; I mangatha̱luimara. 7Iwui huikhami kala iwui masot iwui Avāli lei; iwui kapanga lunghār, iwui ngayin khavai, iwui Avāli lei. 8O mibing, atam saikorali ali ning horsanglu; awui mangāli naning heishoklu; ithumwui Avā ithumwui ngayin khavaina.
9Kachangkhatta khareibing khaksuikha maningla, kapangabing amahāmānga; khānli tam tharan athum khangkā—katonga athum khaksuikhali reimeida teosang. 10Takkazāli ning mahorsangalu; khalee otli khamasai kachihān mahaialu; kashāng mataisangakha, chiwuitungli naning mahaialu. 11Akhashida ithumwui Avā hānghaira; khanishida ina hi shāhaira: pangshap hi ithumwui Avāwui, a a v11 "Akhashida… khanishida" hi Hebrew laa shokwui apong akhana, hithāda kahāngna: hi saikorawui reimeili mataikasang china. 12kala nali, O iwui Avā Sāshapa, makhangachei leikashi nawuina. Kaja nana mi kachiva̱li kachichāwui otsak athishurda sāman mira.
