Okathui Vākatangwui eina Khavao Akha
Laa masot mikhame raikhoili; tingteilā eina ngasoda. Davidwui.
Ning ngazan kahai mi akhana okathui akatangwui eina kasā seihā, awui Avāli ali lāngmeikha lunghār chili kathānvamiranu da. Ana rāsakhāi mani, katang mavaila okthuikhavai ngaranga — nawui kachonshimli katang mavaila — kala awungali kharing kasāng.
61 1Iwui khavao nganāmilu, O iwui Avā; iwui seihā kasā khanganāmilu. 2Ining vānhaowa tharan, okathui vākatangwui eina ina nali ngakaowa; ili juimei lunghārli ili thānmilu. 3Kaja nava iwui ngayin khavai sāmi, yangkasheli khamakanga dolanna.
4Nawui kachonshimli mashimānda pān ina ningchānga, kala nawui angachāngwui ngayin khavaili ina ngayinra. 5Kaja O iwui Avā, nava iwui khangashitbing chi shāhaira; namingli khangachee saikorawui shimluikat chi ili nana mihaira. 6Awungawui mirinli zingkum mataisanglu; awui zingkumbing mithot kachungkhali leichingranu. 7Ava ithumwui Avā mangāli mashimānda wungpamkhongli pamchingra; nawui makhangachei leikashi eina ningkatong ali khamayon khavai phākhuilu. 8Chithākha ina atam kachida namingli masotlaa sāra, kala iwui khangashit thangkachida sāra.
