د زمکې د څنډو نه فرياد
د موسيقۍ د مشر دپاره؛ د تار آلو سره. د داؤد.
یوه دعا چې د ځمکې له پای څخه د داسې سړي له خوا لېږل کېږي چې زړه یې ستړی کېږي، له خپل پلار غواړي چې هغه داسې ډبرې ته بوځي چې له ده لوړه ده. هغه اوسېدل غواړي نه لیدنه — ستا خېمه د تل لپاره — او د پاچا لپاره اوږد عمر.
61 1اے زما پلاره، زما فرياد واوره؛ زما دُعا ته غوږ ونيسه. 2د زمکې د څنډو نه زۀ تا ته آواز کوم، کله چې زما زړۀ نيمګرے کيږى؛ ما هغه ګټ ته بوځه چې زما نه اوچت دے. 3ځکه چې تۀ زما پناه ګاه يې، د دښمن په خلاف يو مضبوط بُرج.
4زۀ ارمان کوم چې ستا په خېمه کښې د تل دپاره اوسم او ستا د وزرو په سيورى کښې پناه واخلم. 5ځکه چې اے زما پلاره، تا زما لوظونه اورېدلى دى؛ تا ما ته د هغه کسانو ميراث راکړے دے چې ستا د نوم نه وېرېږى. 6د بادشاه عُمر ته کالونه ورزياته کړه؛ د هغۀ کالونه دې ډېرو نسلونو ته ورسيږى. 7هغه دې د تل دپاره زمونږ پلار په مخکښې په تخت باندې ناست وى؛ خپله مينه او وفادارى مقرر کړه چې د هغۀ ساتنه وکړى. 8نو بيا به زۀ هر وخت ستا د نوم ثنا وايم او ورځ په ورځ به خپل لوظونه پوره کوم.
