کله چې زمکه وخوځيږى
د موسيقۍ د مشر دپاره. د ”د لوظ ګل“ په لحن باندې. د داؤد يو سرو زرو زبور، د ښوونې دپاره، کله چې هغۀ د اَرام نهرېم او اَرام ضوبه سره جنګ وکړو، او کله چې يوآب راستون شو او د مالګې په وادۍ کښې يې دولس زره اَدومى ووژل.
له یوې ماتې وروسته ملت په ښکاره وايي: تا موږ رد کړو، تا ځمکه وښوروله او وچاودوله، تا موږ ته داسې شراب راکړل چې موږ پرې ولړزېدو. ځواب زموږ د پلار خپل ویاړ دی چې پر شکیم، موآب او ادوم واک لري، او یوه پرېکړه: د انسان ژغورنه بې ګټې ده.
60 1زمونږ پلاره، تا مونږ رد کړى يُو؛ تا زمونږ حفاظتى بندونه ماتۀ کړى دى؛ تۀ غصه شوے وې—اوس مونږ بيا بحال کړه! 2تا زمکه وخوځوله؛ تا هغه څيرې کړله. د دې چاودونه روغ کړه، ځکه چې دا ښوئيږى. 3تا خپلو خلقو ته سخت شيان ښکاره کړل؛ تا مونږ ته داسې شراب څښلو ته راکړل چې مونږ يې لړزولى يُو. 4تا هغو کسانو ته چې د تا نه يرېږى يو جهنډا ورکړے دے، چې هغوئ د ليندے په مخکښې هغې ته راجمع شى. a a v4 ”د ليندے په مخکښې“ معنىٰ د دښمن د حملې په مخ کښې—يو جهنډا چې د ګولو لاندې د هغې نه چاپېره راجمع شى.
5دې دپاره چې ستا محبوب کسان خلاصون ومومى، مونږ د خپل ښى لاس په وسيله خلاص کړه او زمونږ جواب راکړه.
6زمونږ پلار په خپله پاکوالى کښې فرمائيلى دى چې، ”زۀ به خوشحالى وکړم؛ زۀ به سِکِم تقسيم کړم او د سُکوت وادۍ به پېمائش کړم. 7جِلعاد زما دے، او مَنسى زما دے؛ اِفرائيم زما د سر خولۍ ده، يهوداه زما عصا ده. 8موآب زما د مينځلو تشت دے؛ اَدوم باندې زۀ خپله څپلۍ غورزوم؛ فِلِستيه باندې زۀ د فتحې نعره وهم.“ b b v8 د يو علاقې په سر څپلۍ غورزول د ملکيت او واکمنۍ د دعوې يوه زړه اشاره وه.
9څوک به ما قلعه بند ښار ته بوزى؟ څوک به ما اَدوم ته لار ښودنه کوى؟ 10اے زمونږ پلاره، آيا تا مونږ رد کړى نۀ يُو؟ اے زمونږ پلاره، تۀ نور زمونږ د لښکرو سره نۀ وځې. 11زمونږ د دښمنانو په مقابله کښې مونږ سره مدد وکړه، ځکه چې د اِنسان خلاصون بېکاره دے. 12زمونږ د پلار سره به مونږ دلېرى وکړو؛ هم هغه دے چې زمونږ دښمنان به پښو لاندې کړى.
