Wen di Ground Comot For Leg
For di director of music. To di tune of "Di Lily of di Covenant." A golden psalm of David, for teaching, wen e fight Aram Naharaim and Aram Zobah, and wen Joab come back come kill twelve thousand Edomite people for di Valley of Salt.
60 1 Our Papa, you don reject us; you don break through our defense; you don vex — now bring us back! 2 You don make di land shake; you don tear am open. Heal di places wey crack, because e dey shake wanwan. 3 You don show your people hard-hard tin; you don give us wine make we drink wey make us dey stagger. 4 You don give flag to dem wey dey fear you, so dat dem fit gada for am before di bow. Selah. a a v4 'Before di bow' mean for face of enemy attack — a flag wey people fit gada around wen dem dey shoot dem.
5 So dat di people wey you love fit comot from trouble, save us with your right hand and answer us.
6 Our Papa don talk for im holiness: "I go rejoice; I go share Shechem and measure di Valley of Succoth. 7 Gilead na my own, and Manasseh na my own; Ephraim na di helmet for my head, Judah na my scepter. 8 Moab na my washing basin; I throw my sandal ontop Edom; I shout for victory ontop Philistia." b b v8 To throw sandal ontop one land na old-time way to show say you don claim am as your own and say you get power ontop am.
9 Who go carry me go di city wey get strong wall? Who go lead me go Edom? 10 Abi you no don reject us, our Papa? You no dey go out again, our Papa, with our army. 11 Give us help against our enemy, because human rescue no dey worth anytin. 12 With our Papa we go do strong-strong tin; na im go trample our enemy.
