Kindanda Kyatuka ku Tsuka ya Tsi
Kikuma kya mutwadisi wa musindikila; ni misinga. Dya Tavidi.
Lombilu luna lwáfidingwa tuka ku tsuka ya tsi kwena mutu wuna mbundu yandi yisi lemba, wisi lomba Tata wandi kamutwadisa ku tadi dina dyenina ku zulu kuluta yandi-meni. Yizodi kuzinga, ka kukwisa kaka mbala yimosi ku — sombolu yaku mvula yi mvula — amana luzingu lwa lawu kwena kyamvu.
61 1Yuka kindanda kyama, Tata wama; yuka lombilu lwama. 2Tuka ku tsuka ya tsi, yikutedila, tangwa mbundu yama yisi lemba; wuntwadisa ku tadi dina dyenina ku zulu kuluta meni. 3Mukuma ngeyi wákala kiswaminu kyama, kibaka kya ngolu ku thwala ya mbeni.
4Yizodi kuzinga mu sombolu yaku mvula yi mvula amana kudiswamina mu kiswaminu kya mahela maku. 5Mukuma ngeyi, Tata wama, wáyuka zitsikina zama; wámpheka kuvwa kwa batu bana bisi yukila bweya khumbu yaku. 6Leyisa mvula za luzingu lwa kyamvu; mvula zandi zatula tii yi makula ma lawu. 7Kazakala ha kiti kya luyalu ku mesu ma Tata wetu mvula yi mvula; heka khenda yaku ya bulunda yi kwikama, ndangu byamutanikina. 8Buna yisi yimbilaka lukumu lwa khumbu yaku kosu tangwa amana yilúngisa zitsikina zama kilumbu ni kilumbu.
