اِلئهو گئنه دانیشیر
اِلئهو دلئل گتئرئر کی، ائنسانین گوناهی و ائنسانین یاخشیلیغی تاری اوچون هچ نه‌یی دَیئشمئر، او کی، بولودلاردان اوجادیر؛ اونلار باشقا آداملارین اوستونه دوشور. ظولم گؤرَنلر فریاد ادئرلر، آمّا هچ کس سوروشمور کی، اونلاری یارادان تاری هارادادیر، او کی، گجه نغمه‌لر ورئر. بله‌جه ایّوب علمسئز سؤزلری چوخالدیر.
35 1اِلئهو سؤزونه داوام ورئب ددی: 2«بونو عادئل گومان ادئرسن؟ سن دیئرسن: ”عدالتئم تارینینکیندن چوخدور.“ 3چونکی سن سوروشورسان: ”بونون سنه نه خیری اولار؟ گوناه اتمه‌مکله نه قازانجیم اولار؟“ 4من سنه و سنئنله برابر دوستلارینا جاواب وره‌جه‌یم. 5گؤیلره یوخاری باخ و گؤر؛ سندن اوجا اولان بولودلارا گؤز گزدئر. 6اگر گوناه اده‌سن، اونون ضئدّئنه نه ائش گؤره بئلرسن؟ و اگر عوصیانلارین چوخ اولسا، اونا نه اده بئلرسن؟ 7اگر صالح اولاسان، اونا نه ورئرسن؟ یا کی، سنئن الئندن نه آلیر؟ 8شرارتئن آنجاق سنئن کئمی بئر آداما توخونور، صالحلئیئن ده آنجاق بئر ائنسان اؤولادینا. 9ائنسانلار چوخلو ظولم‌لرئن آغیرلیغی آلتیندا فریاد ادئرلر؛ گوجلولرئن قولونون ضئدّئنه کؤمه‌یه چاغیریرلار. 10آمّا هچ کس دمئر: ”هانی منی یارادان تاری، او کی، گجه نغمه‌لر ورئر، 11او کی، بئزی یرده‌کی حیوانلاردان آرتیق اؤیره‌دئر و بئزی گؤیده‌کی قوشلاردان داها حئکمتلی ادر؟“ 12اورادا فریاد ادئرلر، آمّا او جاواب ورمئر، پئس آداملارین تکبّورو اوزوندن. 13دوغرودان دا تاری بوش فریادا قولاق آسماز؛ قادئری‌موطلق اونا اعتئنا اتمز. 14اوندا او نه قدر داها آز جاواب وره‌جک، سن دیئنده کی، اونو گؤرمورسن— حال بو کی، سنئن داعوان اونون قاباغیندادیر و سن اونو گؤزله‌مه‌لئسن. 15و ائندی، اونون قضبی حله جزا ورمه‌یئب، و او آخماقلیغا آز اعتئنا ادئب. 16ایّوب آغزینی بوش سؤزله آچیر؛ علمسئز سؤزلری چوخالدیر.»
