ائستر پادشاهین تختئنه یاخینلاشیر
ائستر شاهلیق پالتارینی گِیئب، دعوتسئز سارایین ائچه‌ری حیطئنده دورور؛ قیزیل عصا اونا طرف اوزادیلیر و اونا پادشاهلیغین یاریسی تکلئف اولونور. او آنجاق بئر ضئیافت، سونرا ائکئنجئسئنی ائسته‌یئر. هامان شاد حالدا چیخیر، موردِکای‌دان قضبلَنئر و بئر دار آغاجی قورور.
5 1اوچونجو گون ائستر شاهلیق پالتاری گیئنئب، سارایین ائچه‌ری حیطئنده، پادشاهین اِیوانینین موقابئلئنده دوردو. پادشاه اِیواندا، سارایین گئرئشئنئن موقابئلئنده اؤز شاهلیق تختئنده اوتورموشدو. 2پادشاه حیطده دورموش مَلَکه ائستری گؤرنده، او، پادشاهین گؤزونده لوطف تاپدی و پادشاه الئنده‌کی قیزیل عصانی اونا طرف اوزاتدی. ائستر یاخینلاشیب اونون اوجونا توخوندو.
3پادشاه ائستردن سوروشدو: «دردئن نه‌دئر، مَلَکه ائستر؟ ائسته‌یئن نه‌دئر؟ پادشاهلیغین یاریسینا قدر سنه ورئله‌جک.»
4ائستر ددی: «اگر پادشاهین گؤزونه خوش گلسه، قوی پادشاه و هامان بو گون منئم حاضیرلادیغیم ضئیافته گلسئنلر.»
5پادشاه ددی: «هامانی تئز گتئرئن کی، ائسترئن ددئیی کئمی اولسون.» بله‌جه پادشاه و هامان ائسترئن حاضیرلادیغی ضئیافته گلدئلر.
6شراب ایچنده پادشاه ائستردن سوروشدو: «دیلَیئن نه‌دئر، ائستر؟ ورئله‌جک. و خاهئشئن نه‌دئر؟ پادشاهلیغین یاریسی بله اولسا، سنئندئر.»
7ائستر جاواب وردی: «منئم دیلَیئم و خاهئشئم بودور: 8اگر پادشاهین گؤزونده لوطف تاپمیشامسا، و منئم دیلَیئمی ورمک و خاهئشئمی یرئنه یتئرمک پادشاهین گؤزونه خوش گلسه، قوی پادشاه و هامان اونلار اوچون حاضیرلایاجاغیم ضئیافته گلسئنلر. صاباح پادشاهین ددئیی کئمی اده‌جیم.»
هامانین قضبی موردِکایا قارشی دؤنور
9هامان او گون شاد و سِوئنَن حالدا چیخدی. آمّا پادشاهین دروازاسیندا موردِکای‌ین نه قالخدیغینی، نه ده اونون قاباغیندا تئتره‌دئیئنی گؤرنده، هامان موردِکایا شئدّتله قضبلَندی. 10بونونلا بله، هامان اؤزونو ساخلاییب اِوئنه گتدی. سونرا اؤز دوستلارینی و آروادی زِرِشی چاغیرتدیردی. 11هامان اونلارا اؤز ثروتئنئن جلالینی، اوغوللارینین چوخلوغونو و پادشاهین اونو نجه عئزّتلندئرئب، پادشاهین اعیانلاری و قوللوقچولارینین اوستونه قالدیردیغینی نقل اتدی.
12هامان علاوه ادئب ددی: «بو دا بس دیئل.» «مَلَکه ائستر اؤز ضئیافتئنه پادشاهلا بئرلئکده آنجاق منی دعوت اتدی، و صاباح دا گئنه پادشاهلا بئرلئکده دعوت اولونموشام. 13آمّا نه زامان پادشاهین دروازاسیندا اوتورموش یهودی موردِکای‌ی گؤرورم، بوتون بونلار منه هچ بئر فایدا ورمئر.»
14آروادی زِرِش و بوتون دوستلاری اونا ددئلر: «قوی اَلّی قول‌آچ اوجالیغیندا بئر دار آغاجی دوزَلتسئنلر. سحر پادشاهدان خاهئش ات کی، موردِکای اونون اوستوندن آسیلسین. سونرا پادشاهلا بئرلئکده شاد حالدا ضئیافته گت.» بو سؤز هامانین خوشونا گلدی و او، دار آغاجینی دوزَلتدئردی.
