پادشاه موردوکایا حؤرمت گؤرسه‌دئر
پادشاهین یوخوسو قاچیر، سالنامه‌لری اوخوتدورور و اؤیرنئر کی، موردوکایا هچ بئر موکافات ورئلمه‌یئب. موردوکایی اعدام اتمک اوچون خاهئشه گلن هامان‌دان سوروشولور کی، بئر آدامی نجه حؤرمتلَندئرمک اولار — او، اؤز آرزوسونو تصوئر ادر، سونرا مجبور اولور کی، موردوکایی کوچه‌لردن کچئرئب بونو جار چکسئن. اونون عایئله‌سی اونون محوینئن گلدئیئنی گؤرور.
6 1او گجه پادشاهین گؤزوندن یوخو قاچدی؛ امر وردی، سالنامه‌لر کئتابینی گتئرئب اونا اوخودولار. 2یازیلمیش تاپیلدی کی، پادشاه خَشایارشانی اؤلدورمک ائسته‌ین، آستانانی قورویان پادشاهین ائکی حرم‌آغاسی بئگتانا و تِرِش حاقّیندا موردوکای خبر وئرمئشدی. 3پادشاه سوروشدو: «بونا گؤره موردوکای نه حؤرمت و عظمت آلیب؟» قوللوقچولاری جاواب وردئلر: «اونون اوچون هچ نه ادئلمه‌یئب.»
4پادشاه سوروشدو: «حیطده کئم وار؟» هامان، موردوکایی اؤزونون حاضیرلادیغی دار آغاجیندان آسدیرماق اوچون پادشاهدان خاهئش اتمک مقصدی‌ائله سارایین باییر حیطئنده حاضیر اولموشدو.
5پادشاهین قوللوقچولاری اونا ددئلر: «هامان حیطده دوروب.» پادشاه ددی: «اونو ائچه‌ری گتئرئن.»
6هامان ائچه‌ری گئردی. پادشاه سوروشدو: «پادشاه حؤرمت گؤرسدمک ائسته‌دئیی آدام اوچون نه ادئلمه‌لی‌دئر؟» هامان اوره‌یئنده دوشوندو: «پادشاه مندن آرتیق کئمه حؤرمت گؤرسدمک ائسته‌یئر؟»
7بله‌جه هامان پادشاها ددی: «پادشاه حؤرمت گؤرسدمک ائسته‌دئیی آدام اوچون، 8قوی پادشاهین گئیدئیی شاهانه بئر پالتار، مئندئیی بئر آت و باشینا قویماق اوچون شاهانه بئر تاج گتئرسئنلر. 9پالتاری و آتی پادشاهین نجئب اعیانلاریندان بئرئنه وئرسئنلر. پادشاه حؤرمت گؤرسدمک ائسته‌دئیی آدامی گئیئندئرسئنلر، آت اوستونده شهرئن میدانیندان کچئرتسئنلر و قاباغیندا جار چکسئنلر: ”پادشاه حؤرمت گؤرسدمک ائسته‌دئیی آدام اوچون بله ادئلئر!“»
10پادشاه هامانا ددی: «تِز اول، ددئیئن کئمی پالتاری و آتی گؤتور و پادشاه دروازاسیندا اوتوران یهودی موردوکای اوچون بله ات. ددئیئن هچ بئر شیی بوراخما.»
11هامان پالتاری و آتی گؤتوروب موردوکایی گئیئندئردی، آت اوستونده شهرئن میدانیندان کچئردئب قاباغیندا جار چکدی: «پادشاه حؤرمت گؤرسدمک ائسته‌دئیی آدام اوچون بله ادئلئر.»
12اوندان سونرا موردوکای پادشاه دروازاسینا قاییتدی، آمّا هامان یاسلی و باشی اؤرتولو حالدا تله‌سئک اؤز اِوئنه گتدی. 13هامان باش وئرن هر شیی آروادی زِرِشه و بوتون دوستلارینا دانیشدی. مصلحتچئلری و آروادی زِرِش اونا ددئلر: «موردوکای کی، اونون قاباغیندا ییخیلماغا باشلامیسان، یهودی‌دئر؛ اونا قالئب گله بئلمزسن، حتمن اونون قاباغیندا ییخیلاجاقسان.» 14اونونلا حله دانیشیردیلار کی، پادشاهین حرم‌آغالاری گلئب هامانی اِستِرئن حاضیرلادیغی ضئیافت مجلئسئنه تله‌سئک آپاردیلار.
