اِستِر اؤز خالقی اوچون یالواریر
ائکئنجی ضئیافتده اِستِر نهایت اؤز جانینی و خالقینین جانینی ائسته‌یئر و اونلاری ساتان آدامین آدینی چکر: هامان. پادشاه قضبله باییرا چیخیر؛ هامان یالواراراق اونون یاتاغینین اوستونه ییخیلیر و بو، تجاووز کئمی باشا دوشولور. او، اؤز دار آغاجیندان آسیلیر.
7 1بله‌جه پادشاه و هامان مَلَکه اِستِرله بئرلئکده ائچمک اوچون گلدئلر. 2ائکئنجی گون، شراب ائچَرکَن، پادشاه گئنه سوروشدو: «سنئن خاهئشئن نه‌دئر، مَلَکه اِستِر؟ قبول اولار. طلبئن نه‌دئر؟ پادشاهلیغین یاریسینا قدر اولسا دا، یرئنه یتئرئله‌جک.»
3مَلَکه اِستِر جاواب وردی: «ای پادشاه، اگر سنئن گؤزونده لوطف تاپمیشامسا و پادشاهین خوشونا گلئرسه، خاهئشئمه گؤره جانیمی و طلبئمه گؤره خالقیمی منه ور. 4بئز، من و خالقیم، محو اولماق، اؤلدورولمک و قیریلماق اوچون ساتیلمیشیق. اگر آنجاق قول و کنئز کئمی ساتیلسایدیق، سوکوت اِدَردئم؛ چونکی بله بئر بلا پادشاهی ناراحات اتمه‌یه دَیمَزدی.»
5سونرا پادشاه اَخَشوِروش مَلَکه اِستِره ددی: «بونو اتمه‌یه جورعت اِدَن کئمدئر و هارادادیر؟»
6اِستِر ددی: «بئر خصم و دوشمن - بو شر هامان!» هامان پادشاهین و مَلَکه‌نئن قاباغیندا واهئمه‌یه دوشدو.
7پادشاه قضبله‌نئب شرابدان قالخیب سارای باغینا گتدی. هامان ایسه جانی اوچون مَلَکه اِستِره یالوارماق اوچون قالدی، چونکی گؤردو کی، پادشاه اونون محوینه قرار ورئب. 8پادشاه سارای باغیندان ضئیافت اوتاغینا قاییتدی. هامان اِستِرئن اولدوغو یاتاغین اوستونه ییخیلمیشدی. پادشاه ددی: «من بورادا اولا-اولا، مَلَکه‌یه ده تَجاووز اده‌جک؟» بو سؤز پادشاهین آغزیندان چیخان کئمی، قوللوقچولار هامانین اوزونو اؤرتدولر. a a v8 محکوم اولموش بئر آدامین اوزونو اؤرتمک، قدئم زاماندا اونون آقئبتئنئن قطعی‌له‌شدئیئنئن عَلامتی ائدی - یعنی او، اؤلموش سایئلیردی.
9خَربونا، پادشاهین خَدئم‌لرئندن بئری، ددی: «پادشاهین خیرینه دانیشان مُردِخای اوچون هامانین دوزَلتدئیی یتمئش بش قدملئک دار آغاجی هامانین اِوئنده دورور.» پادشاه ددی: «اونو اوندان آسین.»
10بله‌جه هامانی، مُردِخای اوچون حاضیرلادیغی دار آغاجیندان آسدیلار. بله‌لئکله پادشاهین حئرصی سویودو.
