پولوس تئموتاعوسا یازیر
پولوسون اؤلومه یاخین یازیلان آخیرکی مکتوبو، مشعلی تئموتاعوسا اؤتورن و اونا کلامی وعظ اتمه‌یی تاپشیران.
1 1آتامیزین ائراده‌سی ائله، مسئح عئسادا اولان حیات اوچون وئرئلن وعده‌یه گؤره مسئح عئسانین حوارئسی اولان پولوس‌دان، 2سِودئیئم اؤولادیم تئموتاعوسا: آتامیزدان و ربّئمئز مسئح عئسادان سنه فیض، مرحمت و باریش اولسون.
آتامیزین سنه وردئیی آلوونو قالا
3اجدادلاریم کئمی تمئز وئجدان ائله خئدمت اتدئیئم آتامیزا شوکور ادئرم و گجه-گوندوز دوعالاریمدا دائم سنی یادا سالیرام. 4سنئن گؤز یاشلارینی خاطیرلاییب، سنی گؤرمه‌یی چوخ آرزولاییرام کی، شادلیقلا دولو اولام. 5سنئن صمئمی ائمانینی یادا سالیرام کی، اوّلجه بؤیوک نَنه‌ن لوئیسده و آنان اِونئکه‌ده یاشاییردی و ائندی یقئن بئلئرم کی، سنده ده وار.
6بونا گؤره سنئن یادینا سالیرام کی، الئمی اوستونه قویماق ائله سنده اولان آتامیزین عطاسینی آلوولاندیراسان. 7چونکی آتامیز بئزه قورخو روحو ورمه‌یئب، بلکه قووّت، محبّت و اؤزونه حاکئم اولماق روحونو ورئب. 8اونا گؤره ربّئمئزئن شهادتئندن و اونون اوچون اسئر دوشن مندن اوتانما، بلکه آتامیزین قووّتی ائله ائنجئل اوچون چکئلن عذابلارا شرئک اول. 9او بئزی خئلاص ادئب موقدّس بئر دعوت ائله چاغیردی، بئزئم عمل‌لرئمئزه گؤره یوخ، بلکه اؤز مقصدی و فیضئنه گؤره کی، زامانین باشلانیشیندان قاباق مسئح عئسادا بئزه ورئلئب. 10و ائندی بئزی قورتاران مسئح عئسانین ظهورو واسئطه‌سئله آشکار اولدو کی، او، اؤلومو محو ادئب، ائنجئل واسئطه‌سئله حیاتی و اؤلمزلئیی ایشیقلاندیردی. 11بو ائنجئل اوچون من واعظ، حواری و موعلّئم تعیئن اولونموشام. 12اونا گؤره بله عذاب چکئرم. آمّا اوتانمیرام، چونکی ائمان گتئردئیئم کسی تانی‌ییرام و یقئن بئلئرم کی، او، منه تاپشیریلانی او قاییداجاغی گونه کئمی قورویا بئلر.
13مندن اشئتدئیئن ساغلام سؤزلرئن نومونه‌سئنی، مسئح عئسادا اولان ائمان و محبّتله برک توت. 14ائچئمئزده یاشایان موقدّس روح واسئطه‌سئله، سنه امانت ورئلن یاخشی شیی قورو.
15بونو بئلئرسن کی، آسئیا ایالتئنده اولانلارین هامیسی، فئگِلوس و هِرموگِن ده داخئل، مندن اوز دؤندَردی. 16قوی ربّئمئز عئسا اونِسئفوروسون اِو اهلئنه مرحمت گؤرسدسئن، چونکی او چوخ دفه منه راحاتلیق ورئب و منئم زنجئرلرئمدن اوتانمادی. 17اکسئنه، او رومایا گلنده، منی تاپانا قدر قیرتله آختاردی. 18قوی ربّئمئز عئسا بونو عطا اتسئن کی، او گون او، ربدن مرحمت تاپسین. اَفِسوسدا نه قدر خئدمت اتدئیئنی سن چوخ یاخشی بئلئرسن.
