فیض ائله قووّتلَنئب دؤزمک
پولوس تئموتاعوسا دیئر کی، فیضدن قووّت آلسین و تعلئمی آیریلارا اؤیرَتمَیه قادئر صادئق آداملارا تاپشیرسین. عسکر، یاریشان، اَکئنچی — هر تصویر زحمته دؤزمک باره‌سئنده‌دئر. سؤزلر اوستونده داعوالار فایداسیزدیر؛ ملایئملئکله ائصلاح ات، چونکی اولا بئلسئن آتامیز اونلارا تؤوبه نصئب اتسئن.
2 1بله‌جه، اوغلوم، مسئح عئسادا اولان فیضدن قووّت آل. 2و مندن چوخلو شاهئدلرئن حوضوروندا اشئتدئیئن شیلری، آیریلارا دا اؤیرتمَیه قادئر صادئق آداملارا تاپشیر. 3مسئح عئسانین یاخشی بئر عسکری کئمی، عذاب چکمکده اؤز پایینی گؤتور. 4وظئفه‌ده اولان هچ بئر عسکر، گونده‌لئک حیاتین ائشلرئنه قاریشماز، چونکی اونو عسکرلئیه چاغیرانی راضی سالماق ائسته‌یئر. 5یاریشان آدام دا قایدالارا گؤره یاریشمایینجا، باشینا تاج قویولماز. 6زحمت چکن اَکئنچی، محصولدان ائلک پای آلان اولمالی‌دیر. 7ددئیئم شیلر باره‌ده دوشون، چونکی رب سنه هر شیده فهم وره‌جک.
8منئم ائنجئلئمه گؤره دیئلدئیی کئمی، اؤلولردن دئرئلَن، داوود نسلئندن اولان عئسا مسئحی یادا سال، 9او ائنجئل اوچون من، بئر جانی کئمی زنجئرله‌نئب عذاب چکئرم. آمّا آتامیزین سؤزو زنجئرله‌نمه‌یئب! 10اونا گؤره من سچئلمئشلرئن خاطئرئنه هر شیه دؤزورم کی، اونلار دا مسئح عئسادا اولان نئجاتی، ابدی عئزّتله بئرلئکده قازانسینلار. 11بو سؤز صادئقدئر: اگر اونونلا اؤلموشوک، اونونلا دا یاشایاجاغیق؛ 12اگر دؤزوروک، بئز ده اونونلا پادشاهلیق اده‌جه‌یئک؛ اگر اونو ائنکار اِتسَک، او دا بئزی ائنکار اده‌جک؛ 13اگر بئز وفاسیزیق، او وفالی قالیر، چونکی اؤزونو ائنکار اده بئلمز.
آتانین بَیَندئیی ائشچی
14بو شیلری اونلارین یادینا سال و آتامیزین حوضوروندا اونلارا ائخطار ور کی، سؤزلر اوستونده داعوالاشماسینلار؛ بو فایداسیزدیر و قولاق آسانلاری پوزور.
15اؤزونو آتامیزا بَیَنئلمئش، اوتانمایان، حقئقت سؤزونو دوزگون ائشله‌دن بئر ائشچی کئمی تقدئم اتمک اوچون، وار-گوجونله چالیش. 16آمّا بوش و تاریسیز لاغلاغی دانیشیقلاردان اوزاق دور، چونکی بو، آداملاری داها آرتیق شرارته آپاریر. 17و اونلارین دانیشیغی چورویَن یارا کئمی یاییلاجاق. اونلارین آراسیندا هئمِنِئوس و فئلِتوس واردیر، 18اونلار حقئقتدن آزیب، دئرئلمه‌نئن آرتیق باش وردئیئنی ائدّئعا اده‌رک، بعضی آداملارین ائمانینی داغیدیرلار. 19لاکئن آتامیزین مؤحکم بونؤوره‌سی دورور، بله مؤهورلَنمئش: «او اؤزونونکولری تانیر» و «قوی آدینی چکن هر کس پئسلئکدن اوز دؤندَ‌رسئن».
20بؤیوک بئر اِوده آنجاق قیزیل و گوموشدن دیئل، هم ده تاختا و گئلدن قابلار واردیر؛ بعضئسی عئزّت اوچون، بعضئسی ائسه حقارت اوچوندور. 21اونا گؤره، اگر بئر کس اؤزونو بونلاردان تمئزله‌سه، عئزّت اوچون بئر قاب اولار: موقدّس، آغایا فایداسی اولان، هر یاخشی ائش اوچون حاضیر.
22جاوانلیق هوسلرئندن قاچ؛ تمئز اورَکدن ربّی چاغیرانلار ائله بئرلئکده، عدالتئن، ائمانین، محبّتئن و باریشین دالینجا گت. 23آخماق و جاهئل موباحئثه‌لردن اوزاق دور، چونکی بئلئرسن کی، اونلار داعوا تؤره‌در. 24ربّئن قولو داعوا اتمه‌مه‌لی‌دئر، لاکئن هامییا قارشی مولایئم، اؤیرتمَیه قادئر و پئسلئک گؤرنده صبئرلی اولمالی‌دیر. 25اؤزونه ضئدّ دورانلاری مولایئملئکله دوزَلده‌رک. بلکه آتامیز اونلارا تؤوبه نصئب اده کی، حقئقتی تانیسینلار، 26و عاغیللاری باشلارینا گلئب، اونلاری اونون ائسته‌یئنی یرئنه یتئرمَک اوچون اسئر توتان ائبلئسئن تله‌سئندن قاچسینلار.
