提摩太後書 1

1 ¹保羅,照住我哋嘅父嘅旨意,做基督耶穌嘅使徒,係為咗傳揚喺基督耶穌裏面生命嘅應許, ²寫信俾提摩太,我親愛嘅兒子:願我哋嘅父同我哋嘅主基督耶穌賜恩惠、憐憫、平安俾你。

搧旺我哋嘅父賜俾你嘅火

³我好似我嘅祖先咁,用清白嘅良心事奉我哋嘅父。我為呢件事感謝佢,喺祈禱裏面日夜不停咁記念你。 ⁴我記得你嘅眼淚,好渴望見到你,好等我可以滿心喜樂。 ⁵我諗起你真誠嘅信心——呢個信心最先喺你祖母羅以同你母親友尼基裏面活著,而家我深信喺你裏面都一樣。

⁶所以我提你,要將我哋嘅父藉住我按手賜俾你嘅恩賜,好似火咁搧旺佢。 ⁷因為我哋嘅父賜俾我哋嘅唔係膽怯嘅靈,而係剛強、仁愛同節制嘅靈。 ⁸所以你唔好以我哋嘅主嘅見證為恥,亦都唔好以我呢個為佢坐監嘅人為恥,反而要靠住我哋嘅父嘅能力,為福音同我一齊受苦。 ⁹佢拯救咗我哋,又用聖潔嘅呼召嚟召我哋,唔係按照我哋嘅行為,而係按照佢自己嘅旨意同恩典。呢恩典喺萬古之前,就已經喺基督耶穌裏面賜咗俾我哋, ¹⁰而家藉住我哋救主基督耶穌嘅顯現彰顯出嚟。佢廢除咗死亡,又藉住福音將生命同不朽照亮出嚟。 ¹¹為咗呢個福音,我被指派做傳道人、使徒同教師。 ¹²正因為咁,我先至要受呢啲苦。但係我唔以為恥,因為我知道我信嘅係邊位,又深信佢有能力保守佢所交託俾我嘅,直到佢再嚟嗰日。

¹³你要拿住喺我度聽返嚟嗰啲純正話語嘅榜樣,喺基督耶穌裏面,存住信心同愛心。 ¹⁴你要藉住住喺我哋裏面嘅聖靈,保守交託俾你嗰份美好嘅寄託。

¹⁵你知道呢件事:喺亞西亞省嘅人全部都離棄咗我,連腓吉路同黑摩其尼都係咁。 ¹⁶願我哋嘅主耶穌施憐憫俾阿尼色弗一家,因為佢多次令我精神一振,又冇以我嘅鎖鍊為恥。 ¹⁷相反,佢一到羅馬,就熱切咁四圍搵我,直到搵到為止。 ¹⁸願我哋嘅主耶穌賜恩,俾佢喺嗰日可以喺主面前得著憐憫。佢喺以弗所點樣服事,你係好清楚嘅。