۱سمویئل 27 FHB Father's Heart Bible™

27 ¹داوود اوره‌یئنده دوشوندو: «بئر گون شاعولون الی ائله محو اولاجاغام. منئم اوچون فئلئسطلی‌لرئن تورپاغینا آنَن قاچماقدان یاخشی بئر شی یوخدور. اوندا شاعول منی ائسرایئلئن بوتون سرحدئنده آختارماقدان ال چکه‌جک و من اونون الئندن قاچاجاغام.» ²داوود دوروب اؤزو و اونونلا اولان آلتی یوز نفر، گَت پادشاهی ماعوکون اوغلو آکئشئن یانینا کچدی. ³داوود، اؤزو و آداملاری، هر بئری اؤز اِو خالقی ائله گَتده آکئشئن یانیندا یاشادی. داوود اؤز ائکی آروادی، یِزرِعِللی اَخئنوعَم و کَرمِل‌لی نابالین دول آروادی اَبئگائل ائله بئرلئکده ائدی. ⁴شاعولا داوودون گَته قاچدیغی خبر ورئلدی، بوندان سونرا داها اونو آختارمادی.

⁵داوود آکئشه ددی: «اگر سنئن گؤزونده لوطف تاپمیشامسا، قوی کَندلردن بئرئنده منه یاشاماق اوچون بئر یِر ورسئنلر. نئیه قولون سنئنله پادشاهلیق شهرئنده یاشاسین؟» ⁶همئن گون آکئش اونا صئقلَگ شهرئنی وردی؛ بله‌جه صئقلَگ بو گونه قدر یهودا پادشاهلارینا عایید اولوب. ⁷داوودون فئلئسطلی‌لرئن دئیاریندا یاشادیغی واختین اوزونلوغو بئر ائل دؤرد آی ائدی.

⁸داوودلا آداملاری قالخیب گِشورلولارا، گئرزلی‌لره و عَمالِقلی‌لره هوجوم اتدئلر، چونکی اونلار قدئمدن بری او تورپاقدا، شورا طرف و مئصئر تورپاغینا قدر یاشاییردیلار. ⁹داوود هر دفه او تورپاغا هوجوم ادنده، نه بئر کئشی نه ده بئر آرواد صاغ ساخلاماز ائدی، قویون، مال-حیوان، اِششَک، دوه و پالتار گؤتوروب سونرا آکئشئن یانینا قاییداردی.

¹⁰آکئش سوروشاردی: «بو گون هارایا هوجوم اتدئن؟» داوود دیئردی: «یهودانین نِگِبئنه»، «یِرَخمِه‌اِللی‌لرئن نِگِبئنه» یا «قِنلی‌لرئن نِگِبئنه».

¹¹داوود گَته گتئرمک اوچون نه بئر کئشی نه ده بئر آرواد صاغ ساخلاماز ائدی، اوره‌یئنده دوشونوردو: «اونلار بئزئم حاقّیمیزدا ”داوود بله اتدی“ دیئب خبر وره بئلرلر.» فئلئسطلی‌لرئن دئیاریندا یاشادیغی بوتون مودّتده بله عادت اتمئشدی.

¹²آکئش داوودا بِل باغلامیشدی، اوره‌یئنده دوشونوردو: «او اؤزونو اؤز خالقی ائسرایئلئن یانیندا لاپ ائیرنج ادئب؛ او، همئشه‌لئک منئم قولوم اولاجاق.»