ዮናስ ኣብ መዓሙቝ
ዮናስ ካብ ውሽጢ እቲ ዓሳ፥ ሳዕሪ ባሕሪ ኣብ ርእሱ ተጠቒሉ፥ ደጌታት ምድሪ ድማ ብድሕሪኡ ተዓፅዩ ከሎ፥ ከም ዝጠሓለ ሰብ ፀለየ፤ ንኣቦና ድማ ህይወቱ ኻብ ጕድጓድ ስለ ዘደየበሉ ኣመስገኖ። ነቲ ዝተመባፅዖ ኽፍፅም መባፅዐ፤ እቲ ዓሳ ኸዓ ናብ ነቑፅ ምድሪ ተፍኦ።
2 1ሽዑ ዮናስ ካብ ውሽጢ እቲ ዓሳ ናብ ኣቦና ኸምዙይ ኢሉ ፀለየ፦ 2ብፀበባይ ናብ ኣቦይ ፀዋዕኹ፥ ንሱ ኸዓ መለሰለይ፤ ካብ ከብዲ ሲኦል ኣእዌኹ፥ ንስኻ ድማ ድምፀይ ሰማዕኻ። 3ናብ ዓሚቝ፥ ናብ ማእኸል ባሕሪ ደርበኻኒ፥ ወሓይዝ ከዓ ኸበበኒ፤ ኵሉ ማዕበልካን ሞገድካን ኣብ ልዕለይ ሓለፈ። 4ሽዑ ድማ ኸምዙይ በልኩ፦ ‘ካብ ቅድሚ ኣዒንትኻ ተሰጒገ እየ፤ ግናኸ ናብ ቅዱስ ቤተ መቕደስካ መሊሰ ኽጥምት እየ።’ 5እቲ ማይ ክሳዕ ነፍሰይ ከበበኒ፤ እቲ መዓሙቝ ከበበኒ፤ ሳዕሪ ባሕሪ ኣብ ርእሰይ ተጠቕለለ። 6ናብ ሱር እምባታት ወረድኩ፤ እታ ምድሪ ድማ ደጌታታ ብድሕረይ ንዘለኣለም ዓፀወት። ግናኸ ንስኻ ህይወተይ ካብ ጕድጓድ ኣደይብካያ፥ ኦ ኣቦይ። 7ነፍሰይ ኣብ ውሽጠይ ክትደክም እንተላ፥ ንኣቦይ ዘከርኩ፥ ፀሎተይ ድማ ናባኻ፥ ናብ ቅዱስ ቤተ መቕደስካ ደየበ። 8እቶም ናብ ከንቱ ጣዖታት ዝፅግዑ፥ ካብቲ ናታቶም ክኸውን ዝኽእል ፍቕሪ ርሒቖም ይኸዱ። 9ኣነ ግና ብድምፂ ምስጋና ናባኻ ክስውእ እየ፤ ነቲ ዝተመባፃዕክዎ ዅሉ መብፅዓ ድማ ክፍፅም እየ። ምድሓን ናይ ኣቦና እዩ!
10ሽዑ ኣቦና ነቲ ዓሳ ተዛረቦ፥ ንሱ ኸዓ ንዮናስ ናብ ነቑፅ ምድሪ ተፍኦ።
