یونوس درئنلئکده
یونوس بالیغین ائچئندن بوغولان بئر آدام کئمی دوعا ادر، دهنز اوتو باشینا ساریلیب و یِرئن دروازالاری دالیسیجا باغلانیب، جانینی چوخوردان یوخاری چیخارتدیغی اوچون آتامیزا شوکر ادر. او، نذر اتدئیئنی یرئنه یتئرمه‌یه عهد ادر و بالیق اونو قورو تورپاغا قوصوب آتیر.
2 1یونوس بالیغین ائچئندن آتامیزا دوعا اتدی: 2دارلیغیمدا آتاما چاغیردیم و او منه جاواب وردی؛ قبئرئن قارنیندان کؤمک اوچون فریاد اتدئم و سن سسئمی اشئتدئن. 3سن منی درئنه، دهنزلرئن اوره‌یئنه آتدین و آخینلار اطرافیما دولاشدی؛ سنئن بوتون شَپه‌لرئن و لَپه‌لرئن اوستومدن کچدی. 4اوندا ددئم: «سنئن گؤزونون قاباغیندان آتیلمیشام؛ گئنه ده سنئن موقدّس معبدئنه طرف باخاجاغام.» 5سولار اؤلوم حدّئنه قدر منی بورودو؛ درئنلئک منی اَحاطه اتدی؛ دهنز اوتو باشیما ساریلدی. 6داغلارین کؤکلرئنه قدر باتدیم؛ یِر دروازالارینی دالیمجا همئشه‌لئک باغلادی. آمّا سن، ای آتام، جانیمی چوخوردان یوخاری چیخارتدین. 7جانیم طاقتدن دوشَنده، آتامی خاطیرلادیم و دوعام سنه، سنئن موقدّس معبدئنه چاتدی. 8بوش بوتلره یاپیشانلار، اؤزلرئنئن اولا بئلَن محبّتی ترک ادئرلر. 9آمّا من سنه حمد و شوکرله قوربان تقدئم اده‌جه‌یم؛ اتدئیئم هر نذری یرئنه یتئره‌جیم. نئجات آتامیزیندیر!
10اوندا آتامیز بالیغا امر اتدی و بالیق یونوسو قورو تورپاغا قوصوب آتدی.
