Gobhir pani bhitor te Jonah
Mach laga pet bhitor pora Jona pani te dubi juwa manuh nisina prarthana korise, tai laga mur te samundar laga ghas khan berai thaka, aru prithibi laga dorja khan tai laga piche bondh hoi juwa; tai laga jibon ke gadda pora uporte uthai diya karne amar Pitri ke dhanyavad dise. Tai kosom kora tu pura koribo koise, aru mach pora taike sukha mati te ulti kori phelai dise.
2 1Tetiya Jonah pora maas tu laga bhitor pora amar Pitri ke prathana korise: 2Moi laga dukh somoi te moi laga Pitri ke moi matise, aru Tar pora moi ke jawab dise; kobor laga pet pora moi modot nimite kandise, aru Apuni moi laga awaj hunise. 3Apuni moi ke gobhir pani te phelai dise, samundar laga maja te, aru pani laga dhar khan moi ke gherai loise; Apuni laga sob dheu aru lahri khan moi uporte ahhi jaise. 4Tetiya moi koise, ‘Apuni laga suku pora moi ke khedai dise; hoilebi moi Apuni laga pobitro mondir phale aru sabo.’ 5Pani khan moi uporte moribole joborte ahhi jaise; gobhir pani moi ke gherai loise; samundar laga ghas moi laga matha te lipti kene thakise. 6Moi pahar khan laga mul tak nichete ghusi jaise; prithibi pora tar laga dorja khan moi laga pichete hodai nimite bondh kori dise. Kintu Apuni moi laga jivon ke gaad pora uthai anise, moi laga Pitri. 7Jitia moi laga jivon tu khotom hoi thakise, moi moi laga Pitri ke yaad korise, aru moi laga prathana Apuni logot, Apuni laga pobitro mondir te uthise. 8Kun manuh khan eku daam nathaka murti khan ke dhori thake, taikhan nijor laga hobo para morom ke chari kene jai ase. 9Kintu moi dhanyabad laga stuti logote Apuni ke bolidan dibo; moi kora sob vachan moi purah koribo. Poritran to amar Pitri laga ase!
10Tetiya amar Pitri pora maas tu ke koise, aru maas tu pora Jonah ke sukha mati uporte uki phelai dise.