Yona tzü telung nung
Ango telung nungi Yonai, tzü agi pa taküm manung nungba nisung ama, asen Tebu dang sarasadem; tzüyim rem pa kolak meibang, tenem süngkhüm pei tesülen shibang, aser pei taküm kangla tulu nungi agitetba agi pai asen Tebu tenüngsang agüja. Pai pei atemzükba ajak benshitsü ta langka ayu, aser angoi pa ali takong manung saktsüdok.
2 1Anungji Yonai ango telung nungi Tebu dang sarasadem, 2Kü tejashi nung ni kü Bu dang aja, aser pai ni langzü; Sheol tepok nungi ni ayimten, aser nai kü ola angashi. 3Nai ni tzü telung nung, tzüyim tiyong nung ajungoktsüogo, aser tzüma ni meketbang; ne tzükeprak aser ne tzüsem ajak ni mobang. 4Anungji ni ashi, ‘Ni ne tsüngdang nungi aridokogo; aji oda ni ne temeshi tenla ki len tanaben reprangtsü.’ 5Tzüji ni tasütsü tashi metsüngbang; tzü telung ni meketbang; tzüyim rem agi kü kolak meibang. 6Ni tenem tsüng tashi telungi alu; aliji pei süngkhüm kü tesülen teti asoshi shibang. Saka, Oh kü Bu, nai kü taküm kangla tulu nungi agitet. 7Kü nela lula-a akümdang, ni kü Bu bilemtet, aser ne temeshi tenla ki len, kü sarasademba ne dangi atu. 8Amajok süngyanglu dak azüiba shirnoki, parnok meyong alitsüba temeim paladoker. 9Saka ni tenüngsang ola den ne nem tenla agütsü; ni atemzükba ajak benshitsü. Tekümzükba Tebu meyong lir!
10Anungji Tebui ango dang ashi, aser pai Yona ali takong manung saktsüdoktsü.