ኣብ ቅድሚ ፊሊክስ ተኸሰ

ዝተቖፀረ ጠበቓ ንጳውሎስ መዓትን ሓለቓ ዓመፅን ኢሉ ፀውዖ። ጳውሎስ ከዓ ሓደ እኳ ገለ ኸረጋግፅ ከም ዘይኽእል፥ ብሓቂ ድማ ብዛዕባ ትንሳኤ ይፍረድ ከም ዘሎ መለሰ። ፊሊክስ ኣደናጎየ፥ እቲ ዘረባ ናብ ፍርዲ ምስ ተቐየረ ፈርሐ፥ ጉቦ እናተፀበየ ድማ ክልተ ዓመት ሓዞ።

ምዕራፍ 24።

ድሕሪ ሓሙሽተ መዓልቲ ድማ ሊቀ ካህናት ሃናንያ ምስ ገለ ዓበይትን ጠርጡሎስ ዝበሃል ጠበቓን ወሪዱ፥ ኣብ ቅድሚ እቲ ሹም ንጳውሎስ ከሰስዎ። ጳውሎስ ምስ ተፀውዐ ድማ ጠርጡሎስ ክሲኡ ከምዙይ ኢሉ ጀመረ፦ “ብኣኻ ብዙሕ ሰላም ረኺብና ኣለና፤ በቲ ኣርሒቕካ ምሕሳብ ድማ ኣብዚ ህዝቢ እዙይ ምምሕያሽ መፂኡ ኣሎ፥ ኦ ክቡር ፊሊክስ፥ ነዙይ ብዅሉ መገድን ኣብ ኵሉ ቦታን ብዅሉ ምስጋና ንቕበሎ ኢና። ብዙሕ ከየደንጕየካ ግና፥ ብሒደት ቃላት ብለውሃት ክትሰምዓና እልምነካ ኣለኹ። ነዝ ሰብኣይ እዙይ መዓት ኮይኑ ረኺብናዮ፤ ኣብ ኵሉ ዓለም ኣብ ማእኸል ኵሎም ኣይሁድ ሁከት ዘለዓዕል፥ ናይ ናዝራውያን ወገንውን ሓለቓ እዩ። ነቲ ቤተ መቕደስ እኳ ኸረክሶ ደለየ፤ ስለዙይ ሓዝናዮ። ^a ባዕልኻ ምስ መርመርካዮ፥ በዝ ንኸሶ ዘለና ዅሉ ኽትፈልጥ ትኽእል ኢኻ።”

ኣይሁድ ድማ ኣብቲ ክሲ ተሓዊሶም፥ እዝ ነገር እዙይ ከምኡ ምዃኑ ኣፅንዑ።

እቲ ሹም ድማ ክዛረብ ብኢዱ ኣመልከተሉ። ጳውሎስ ከዓ ከምዙይ ኢሉ መለሰ፦ “ንስኻ ነዝ ህዝቢ እዙይ ብዙሕ ዓመት ከም ዝፈረድካዮ ስለ ዝፈልጥ፥ ብሓጐስ ርእሰይ እከላኸል። ኣብ ኢየሩሳሌም ክሰግድ ካብ ዝደየብኩ፥ ካብ ዓሰርተ ክልተ መዓልቲ ንላዕሊ ኸም ዘይኮነ፥ ባዕልኻ ኸተረጋግፆ ትኽእል ኢኻ። ኣብ ቤተ መቕደስ ኮነ ኣብ ኣብያተ ፀሎት ኣይሁድ ኮነ ኣብ ውሽጢ እታ ኸተማ፥ ምስ ዝኾነ ሰብ ክካትዕ ወይ ህዝቢ ከዐውግ ኣይረኸቡን። ነቲ ሕዚ ዝኸሱኒ ዘለዉ ክሲ ኸዓ ኸረጋግፁልካ ኣይኽእሉን። ነዙይ ግና ኣብ ቅድሜኻ እእመን፤ በቲ ‘ወገን’ ኢሎም ዝብልዎ መንገዲ ሰዓቢ ኮይነ፥ ነቲ ኣምላኽ ኣቦታትና አምልኽ ኣለኹ፤ በቲ ኣብ ሕግን ኣብ ነብያትን ተፅሒፉ ዘሎ ዅሉ ኸዓ እኣምን ኣለኹ። ከምቲ እዚኣቶም ሰባትውን ዝተስፈውዎ፥ ፃድቃን ኮነ ዓመፀኛታት ማዕረ ኸም ዝትንስኡ፥ ኣብ ኣቦና ተስፋ ኣለኒ። ስለዙይ ኣብ ቅድሚ ኣቦናን ኣብ ቅድሚ ሰብን ንፁህ ሕሊናይ ምእንቲ ኽህልወኒ፥ ኵልሻዕ እጽዕር ኣለኹ። ድሕሪ ብዙሕ ዓመታት ድማ፥ ንድኻታት ህዝበይ ምፅዋትን መባእን ከምፅእ መፃእኹ። ኣብዙይ እንተለኹ ድማ፥ ብዘይ ህዝብን ብዘይ ሁከትን፥ ኣብ ቤተ መቕደስ ነፂሀ ኸለኹ ረኸቡኒ። ኣባይ ዝኾነ ነገር እንተ ኣልይዎም፥ ገለ ኻብ እስያ ዝመፁ ኣይሁድ፥ ኣብ ቅድሜኻ ኮይኖም ኽኸሱኒ ምተገብኦም። ወይ እዚኣቶም ሰባት ባዕልቶም፥ ኣብ ቅድሚ እቲ ባይቶ ደው ኢለ እንተለኹ እንታይ ዓመፅ ከም ዝረኸቡለይ ይንገሩ፤ ኣብ ማእኸሎም ደው ኢለ ዓው ኢለ ዝበልክዎ እዝ ሓደ ነገር ጥራሕ ደኣ እምበር፤ ‘ብዛዕባ ትንሳኤ ምዉታን እየ ሎሚ ኣብ ቅድሜኻትኩም ዝፍረድ ዘለኹ።’”

ፊሊክስ ከዓ ነቲ መንገዲ ኣፀቢቑ ይፈልጦ ነበረ እሞ፥ “እቲ ሓለቓ ሉስዮስ ምስ መፀ፥ ነገርኩም ክውስን እየ” ኢሉ ነቲ ፍርዲ ኣናውሖ። ነቲ ሓለቓ ሚእቲ ኸዓ፥ ንጳውሎስ ክሕልዎ፥ ግና ቑሩብ ነፃነት ክህቦ፥ ካብ ኣዕርኽቱ ዝኾነ ናብኡ መፂኡ ኸገልግል ከይከልክል ኣዘዞ።

ድሕሪ ገለ መዓልቲታት ድማ ፊሊክስ ምስ ኣይሁዳዊት ሰበይቱ ድሩሲላ መፀ፤ ንጳውሎስ ልኢኹ ፀዊዑ ኸዓ፥ ብዛዕባ ብክርስቶስ ኢየሱስ ዝግበር እምነት ሰምዖ። ጳውሎስ ብዛዕባ ፅድቅን ርእሱ ምቍፅፃርን እቲ ዝመፅእ ፍርድን እናተዛረበ እንተሎ፥ ፊሊክስ ፈሪሑ፥ “ሕዚ እኹል እዩ፤ ኺድ፤ ጊዜ ምስ ረኸብኩ ኽፅውዓካ እየ” በለ። ጳውሎስ ገንዘብ ክህቦ ድማ ተስፋ ይገብር ነበረ፤ ስለዙይ ብዙሕ ጊዜ ልኢኹ እናፀወዖ ምስኡ ይዛረብ ነበረ።

ድሕሪ ኽልተ ዓመት ድማ፥ ጶርክዮስ ፌስጦስ ኣብ ቦታ ፊሊክስ ተተኽአ። ፊሊክስ ከዓ ንኣይሁድ ከሐጕስ ስለ ዝደለየ፥ ንጳውሎስ ኣብ ቤት ማእሰርቲ ገደፎ።