Felixwui Mangāli Kaphen
Ngaman phungda kakhui tuikahāng akhana Paulli kazā kahai kala mishonga kasā da hānga. Paulna khikha chāng mathāmeilak mara kala kathiwui eina ringshokluikhui vang ili akhālda lei da ngahānkai. Felixna tuipong ngasaorumhaowa, akhālkakhui pongli tui kahāng tharan kacheeda, sekka kaikha khuira da kum khani ali ngāthānhaowa.
24 1Zimiksho phangāwui thili pāngmon kharei Ananiasna khararnao kaikha kala ain kathema Tertullus eina ngasoda tunhaowa, kala athumna governorwui mangāli Paulwuitungli kaphen sai. 2Paulli hokhui tharan Tertullusna awui kaphen tui hāngphokuwa: "Nawui mangā eina ithumna chingri kahai kahakva phākhuiya, kala nawui munlak kaphaning eina yur hili kaphā khangachei kaikha shokhaira, 3Phākhamataiya Felix, apong kachiva̱li kala apam kachiva̱li ningkashi saikora eina ithumna hi maya̱ya. 4Kha nali ngachāng makhavātmihai khavai, tui kateokha eina ithumwui tui chi lumashanmida shāmi khavai ina nali poi. 5Ithumna mipa hi kazātkashi akha da phāhaira, ana okathuili khalei Jihudi saikorawui ngachaili khonkazār ngatha̱ ngasakta lei, kala ana Nazarene ashangva̱wui akhavā akhana. 6Ana khorumshim tangda sāmakhao khavai ngarāna, chiwui vang eina ithumna ali tukkhuihaowa. a a v6 Riphok kahai lairikbingli hili verse 7 maleimana; khaleilaga kagapibingna hi lāngsang: "Kha sipahi kharei Lysias rāda pangkachang eina ali ithumwui pāng eina khuithuihaowa," 8Nakhalattana ali ngahānkup tharan, ithumna ali kaphen sāhai saikora chi na theishapa."
9Jihudibingnala kaphenli ngarumda, hi saikora mashunga da titta hānga.
10Governorna ali hāngkhavai ingkit sai. Paulna ngahānkai: "Nana yur hili zingkum kachungkha bichar sāmi kaji theilaga, ina thangmeihaoda I khalatta mashun hāngphatra. 11Ina Jerusalemli khorum khavai kā kahaiwui eina zimiksho tharāda khani lah reikhamei maleimana kaji nana theikhuishapra. 12Khorumshimlila, synagoguebinglila, lah keinung kachiva̱li apam akhalila, athumna ili khipākhala ngayatkasā maphāmana, kala yarui ngatha̱ ngasakkasāla maphāmana. 13Athumna ara ili phenda khalei kaphenbing chi nali chitheishapmara. 14Kha ina nali hi hāngphatra: athumna ashangva̱ da kaho Shongfa chi shurda, ainli khamayā thāda kala marānbingli kapihai saikora chi shitsangda, ina ishāvā ngarāwui Vareli khoruma. 15Khamashunga kala makhamashunga saikora ringluira da ina ithumwui Avāli kachihān lei; mipa hibingla chithāda kachihān lei. 16Chiwui vang eina, ithumwui Avāwui mangāli kala mibingwui mangāli iwui mashun-makhui tharzā ngasak khavai ina atam kachida khangarān sai. 17Zingkum kaikhawui thili iwui yurwui khavāta kachāmabingwui vang charfa lemmet kala kachigatbing khuirāda rāsai. 18Chi tharan, athumna ili khorumshimli khalatta tharkhui kahai da phāhaira; yaruila maleisāmana, khonkazārla maleisāmana. 19Asiawui eina Jihudi kaikha, iwuitungli khikha leiakha, kaphen sākhavai nawui mangāli hili leiranu. 20Maningakha, ina hanga̱shimli nganinga tharan, khi khayon theihaokhala kaji, hibing khalattana hāngranu, 21Athumwui ngachaili nganinga tharan ina vaosanga khavāt akha hi maningla: 'Kathiwui eina ringkashokwui vang aja ili bichar sākhavai hili khanganingna.'"
22Apong chi kaphā theida khalei Felixna, bicharwui pong chi khaleiluida hānga: "Shipai akhavā Lysias rāranglakha, nathumwui bichar chi ina sāra." 23Ana shipai shākhawui akhavāli Paulli ngākmi khavai, kha ali ningkhān kaikha mi khavai, kala awui ngasotnaobing khipākhana ali ngachonkhami chi makhuithui khavai kasoi.
24Zimiksho kaikha khaleilaga, Felixna apreiva̱ Jihudinao Drusillala ngasorāda, Paulli aho khavai chihovāda, Khrista Jishuli shitkasangwui maramli ali shāhaowa. 25Paulna khamashung khangarong, khalatta khangarin, kala kharā kaji bicharwui pongli ngazek tharan, Felix ngacheelakhaowa kala hānga, "Ara chiwui vang shapa; vālu. Ina atam samphang tharan, nali hokhuira." 26Paulna ali lupā mira da anala chihānhaoda, chiwui vang ali naphei aho khavai chihovāda, kala ali khangazeka.
27Zingkum khani sākahaiwui thili, Felixwui apamli Porcius Festusna governor sai. Jihudibingwui ningyāng ungkhavai, Felixna Paulli phātop sanghaida horhaowa.
