Nyigiisindap Tengektanyu
Tyeng'utap Daudi, ne po kabwaatet.
Miondos, pulyo pirutikyik, kibagaaktai togeekyik ye chobei puunikyik yaityet, keeri Daudi nyalildanyi eng' tengektanyi ineegei ak ma woljini choronokyik. Silemei ko uu chii ne miing'at ak koagen Kwandanyi, ineendet kityo ne ngen ale woolji.
38 1Ee Kwandanyo, ameiger kong'wo eng' angeeng'ung', ametigonwo eng' nereegeguk. 2Amu katoorwo kipchaboniguk miising', ak kaipiirwo eung'ung' paragunnyu. 3Ma mi chametapkei eng' mugenyu amu angeeng'ung'; ma mi komyeenatet eng' koweguk amu tengektonyu.
4Amu kang'eet tengekwogikyuk kosiir metinnyu; ko uu kaimut ne nyigiis, nyigiis kot eng' anee. 5Pulyo pirutikyuk ak koyaamyo amu abusnatennyu. 6Kaang'uruuk ak kaming'in miising'; awendi atei peetuut komugul. 7Amu beelgei komoswekyuk eng' mat, ak ma mi komyeenatet eng' poortanyu.
8Kaatanui ak kaiiri miising'; atigendosi amu arageneet eng' muguleldanyu. 9Ee Kwandanyo ne Toroor, mi taing'ung' emostonyu tugul, ak ma kounyegei tigenutikyuk eng' inyee. 10Pirpirei muguleldanyu, kagobet kimnateennyu; agot lileetap konyeguk kagome eng' anee. 11Tonone loo choronokyuk ak siritoikyuk eng' nyalildanyu, ak tonone ye loo tupchosyekyuk che neegit.
12Che cheeng'ei saboondanyu yachei mestonikwak; che cheeng'ei koyaiywo ne ya mwaei ng'emisyet, ak chobei ng'aalseet peetuut komugul. 13Ago aa anee ko uu chii ne miing'at ne ma kase, ko uu ne namak kut ne ma ung'e kutinnyi. 14Kaaegu ko uu chii ne ma kase, ne ma tinyei woljinet eng' kutinnyi. 15Ago agenin inyee, Kwandanyo; inyee ne iwolu, Ee Kwandanyo ne Toroor.
16Amu ki ale, “Amat koboiboitu agobo anee kogeny—icheek che loskei agobo anee ye kachun keldanyu.” 17Amu kaachoboge abut, ak mi ng'wanindanyu tainnyu kotugul. 18Ang'aany ng'oogistonyu; aiimgei amu tengektonyu. 19Ago kiimeen puunikyuk ak kogimiten, ak chaang' che wechei anee puch.
20Che repaik anee ne ya eng' ne myee ng'ang'ei anee amu asubi ne myee. 21Amebagaaktaa, Kwandanyo; amelooegitu eng' anee, Kwandanyo. 22Chaakte itoret anee, Ee Kwandanyo ne Toroor, yetunennyu.