گوناهیمین آغیرلیغی
داوودون مزمورو. خاطیرلاتماق اوچون.
خسته، یارالاری ایرئنله‌یَن، دوشمنلری حئیله قورارکن دوستلاری طرفئندن ترک ادئلن داوود، وضعئیّتئنی اؤز گوناهینا باغلاییر و اونو سوچلایانلارا جاواب قایتارماز. کار بئر آدام کئمی ساکئت قالیر و آتاسینی گؤزله‌یئر، جاواب ورمه‌سئنی گؤزله‌دئیی یگانه کسی.
38 1ای آتام، قضبئنده منی تنبه اتمه، غضبئنده ده منی تأدیب اتمه. 2چونکی اوخلارین منه درئن باتیب، و الئن منئم اوستومه آغیر اِنئب. 3سنئن قضبئن اوزوندن بدنئمده صاغلاملیق یوخدور؛ گوناهیم اوزوندن سوموکلرئمده سلامتلیک یوخدور.
4چونکی گوناهلاریم باشیمدان آشیب؛ آغیر بئر یوک کئمی، منئم اوچون چوخ آغیردیرلار. 5یارالاریم آخماقلیغیم اوزوندن قوخویور و ایرئنله‌یئر. 6اَیئلمئشم، لاپ آلچالمیشام؛ بوتون گون یاس توتوب گزئرم. 7چونکی یانلاریم اودلا دولوب، و بدنئمده سلامتلیک یوخدور.
8سوستله‌مئشم و لاپ اَزئلمئشم؛ اوره‌یئمئن ناراحاتلیغیندان ناله ادئرم. 9ای حاکئم آتا، بوتون حسرتئم سنئن قاباغیندادیر، و آهیم سندن گئزلی دیئل. 10اوره‌یئم چیرپینیر، قووّتئم منی ترک ادئب؛ حتّا گؤزلرئمئن نورو دا سؤنوب. 11دوستلاریم و یولداشلاریم فلاکتئمدن اوزاق دورورلار، و لاپ یاخین قوحوملاریم اوزاقدا دورورلار.
12جانیمی آختارانلار تله‌لرئنی قوروبلار؛ منه زئیان ائسته‌ینلر هلاکتدن دانیشیر و بوتون گون حئیله قوروبلار. 13آمّا من اشئتمه‌یَن کار بئر آدام کئمی‌یَم، دانیشا بئلمه‌یَن، آغزینی آچمایان بئر کس کئمی. 14اشئتمه‌یَن بئر آدام کئمی اولموشام، آغزیندا هچ جوابی اولمایان بئر کس کئمی. 15آمّا، ای آتام، سنی گؤزله‌یئرم؛ جاواب وره‌جک اولان سنسن، ای حاکئم آتام.
16چونکی ددئم: «قوی اونلار هچ واخت منئم اوستومده شادلیق اتمه‌سئنلر — آیاغیم سوروشنده منئم اوستومده فخر ادنلر.» 17چونکی دوشمَیه حاضیرام، و آغریم همئشه منئم قاباغیمدادیر. 18من تقصئرئمی اعتئراف ادئرم؛ گوناهیم اوزوندن ناراحات اولورام. 19آمّا دوشمنلرئم دئری و قوّتلی‌دئرلر، و سببسئز منه نئفرت ادنلر چوخدورلار.
20منه یاخشیلیغین عوضئنه پئسلئک ادنلر، یاخشی اولانین دالینجا گتدئیئم اوچون منی موتّهئم ادئرلر. 21منی ترک اتمه، ای آتام؛ مندن اوزاق دورما، ای آتام. 22منه کؤمک اتمَیه تِز اول، ای حاکئم آتا، منئم نئجاتیم.
