زمونږ پلار اِسرائيل نۀ دے پرېښودے

ایا زموږ پلار اسرائیل پرېښی دی؟ پولس په خپل ځان، د الیاس په اوو زرو، او د زیتون په یوې پیوند شوې ونې ځواب ورکوي چې غیریهودي مومنان له غرور څخه خبرداروي. سختوالی جزئي او لنډمهاله دی؛ ډالۍ او بلنه بېرته نه اخیستل کېږي. هغه په عبادت پای ته رسوي، نه په توضیح.

څپرکی 11.

نو زۀ پوښتنه کوم چې، آيا زمونږ پلار خپل قوم رد کړو؟ هرګز نه، زۀ هم اِسرائيلى يم، د اِبراهيم د نسل نه، د بنيامين د قبيلې نه يم. زمونږ پلار خپل هغه قوم رد نۀ کړو چې هغۀ مخکښې نه پېژندلے وو. آيا تاسو نۀ پوهېږئ چې کتاب د ايلياه په حقله څۀ وائى، چې هغۀ د اِسرائيل خلاف زمونږ پلار ته څنګه فرياد وکړو؟ ”اے پلاره، دوئ ستا نبيان قتل کړل، ستا قربان‌ګاهونه يې ونړول. يواځې زۀ پاتې يم، او دوئ زما د ژوند دپاره هڅه کوى.“

خُدائ پاک هغۀ ته داسې جواب ورکړو چې، ”ما د ځان دپاره اووۀ زره سړى ساتلى دى چې د بعل مخکښې يې زنګنونه نۀ دى ټېکولى.“ ^a

هم دغه شان اوس هم د فضل په ذريعه ټاکلى يو څو خلق پاتې دى. خو کۀ د فضل په ذريعه وى، نو بيا د عملونو په ذريعه نۀ ده، ګنې فضل به بيا فضل نۀ وى.

نو بيا څۀ؟ اِسرائيل هغه څۀ ونۀ موندل چې هغه يې لټول، خو ټاکلو خلقو وموندل، او نور کلک کړى شول. لکه چې ليکلى دى چې، ”زمونږ پلار دوئ ته بې‌حسه روح ورکړو، داسې سترګې چې نۀ وينى او داسې غوږونه چې نۀ اورى، تر نن ورځې.“

او داؤد وائى چې، ”دې دپاره چې د دوئ دسترخوان دوئ دپاره دام، جال، د ښوئېدو ګټ او سزا شى. د دوئ سترګې دې تورې شى، چې دوئ ونۀ شى ليدلے، او د دوئ شاګانې دې د تل دپاره کوږې کړه.“

نو زۀ پوښتنه کوم چې، آيا دوئ دې دپاره وښوئېدل چې پوره تباه شى؟ هرګز نه! بلکې د دوئ د ناکامۍ په ذريعه غېر قومونو ته خلاصون راغلو، دې دپاره چې اِسرائيل حسد ته راوبلى. کۀ د دوئ ګناه دُنيا شتمنه کړى، او د دوئ ناکامى غېر قومونه شتمن کړى، نو د دوئ پوره شاملېدل به څومره زيات ونۀ کړى!

زۀ دا تاسو غېر قومونو ته وايم، چې څنګه زۀ د غېر قومونو رسول يم، نو زۀ د خپلې خدمتګذارۍ عزت کوم، په دې اُميد چې زۀ به په يو نۀ يو شان خپل قوم حسد ته راوبلم او د دوئ نه به يو څو خلاص کړم. کۀ د دوئ رد کېدل د دُنيا روغه کول وى، نو د دوئ قبلېدل به د مړو نه د ژوند نه بغېر نور څۀ راولى؟ کۀ لومړنۍ ونډه پاکه وى، نو ټول خمير هم پاک دے، او کۀ ريښه پاکه وى، نو څانګې هم پاکې دى. کۀ يو څو څانګې مات کړى شوې، او تۀ چې د ځنګلى زيتون ونه ولې، د دوئ په مينځ کښې پېوند کړى شوې، او د زيتون د ونې د ښې ريښې شريک شوې، نو په څانګو باندې فخر مۀ کوه. کۀ تۀ داسې وکړې، نو تۀ د ريښې مدد نۀ کوې، بلکې ريښه ستا مدد کوى. نو بيا به تۀ ووائې چې، ”څانګې دې دپاره مات کړى شوې چې زۀ پېوند کړى شم.“ رښتيا. دوئ د ايمان د نۀ لرلو په سبب مات کړى شول، او تۀ د ايمان په ذريعه ولاړ يې. مغرور مۀ کېږه، بلکې يرېږه. ځکه چې کۀ زمونږ پلار اصلى څانګو ته رحم ونۀ کړو، نو هغه به تا ته هم رحم ونۀ کړى. نو د زمونږ پلار مهربانى او سختى وګوره، د غورځېدلو سره سختى او تا سره مهربانى، کۀ تۀ په دې مهربانۍ کښې قائم پاتې شې، ګنې تۀ به هم غوڅ کړى شې. او کۀ دوئ د ايمان په نۀ لرلو کښې پاتې نۀ شى، نو دوئ به هم پېوند کړى شى، ځکه چې زمونږ پلار دوئ بيا پېوند کولے شى. کۀ تۀ د هغه زيتون نه غوڅ کړى شوې چې په طبيعت کښې ځنګلى دے، او د طبيعت خلاف يو کروندليز زيتون ته پېوند کړى شوې، نو اصلى څانګې به څومره زيات په آسانۍ سره خپل زيتون ته بيا پېوند کړى شى؟

ټول اِسرائيل به خلاصون مومى

اے وروڼو او خوېندو، زۀ نۀ غواړم چې تاسو د دې راز نه بې‌خبره پاتې شئ، دې دپاره چې تاسو په خپلو سترګو کښې عقلمند نۀ شئ، چې اِسرائيل يو څۀ حصه کلک شوے دے، ترڅو چې د غېر قومونو پوره شمېر دننه شى.

نو ټول اِسرائيل به خلاصون مومى، لکه چې ليکلى دى چې، ”خلاصونکے به د صيون نه راشى او د يعقوب نه به بدى لرې کړى، ^b او دا به زما لوظ د دوئ سره وى، کله چې زۀ د دوئ ګناهونه لرې کړم.“

د اِنجيل په لحاظ، دوئ ستاسو دپاره دښمنان دى، خو د ټاکنې په لحاظ، د پلرونو په سبب محبوب دى. ځکه چې د زمونږ پلار نعمتونه او بلنه نۀ بدلېدونکى دى. ځکه چې لکه څنګه تاسو مخکښې د زمونږ پلار نافرمانى وکړله، خو اوس مو د دوئ د نافرمانۍ په ذريعه رحم وموندو، هم دغه شان دوئ هم اوس نافرمانى وکړله، دې دپاره چې په هغه رحم سره چې تاسو ته وښودلے شو، دوئ هم اوس رحم ومومى. ځکه چې زمونږ پلار ټول په نافرمانۍ کښې بند کړى دى، دې دپاره چې په ټولو باندې رحم وکړى.

آه، د زمونږ پلار د شتمنۍ، د حکمت او د علم څومره ژور دے! د هغۀ فېصلې څومره نۀ پوهېدونکى دى او د هغۀ لارې څومره نۀ معلومېدونکى دى! ”ځکه چې چا د زمونږ پلار عقل پېژندلے دے، او يا څوک د هغۀ مشير شوے دے؟ او يا چا هغۀ ته داسې نعمت ورکړے دے چې بدله يې ورکړى شى؟“ ځکه چې د هغۀ نه، د هغۀ په ذريعه او هغۀ ته ټول شيان دى. د هغۀ دې د تل دپاره لوئى وى. آمين.