آتامیزین ساندیغی ائسرایئله قاییدیر
کاهئنلر مصلحت وردئلر کی، ساندیغی قیزیل شئشلر و سئچانلارلا، بالالاری آغیلا سالینمیش ائکی ائنَک قوشولان عارابانین اوستونده، اؤز یرئنه گؤندَ‌رسئنلر. ائنَکلر دوز بیت‌شِمِشه، بؤیوره-بؤیوره گتدئلر. بئچئنچئلر سوئندئلر، سونرا یتمئش نفر ائچَری باخدیغینا گؤره اؤلدو و شهر سوروشدو کی، آتامیزین حوضوروندا کئم دورا بئلر.
6 1آتامیزین ساندیغی یدّی آی فئلئسطلی‌لرئن تورپاغیندا قالدی. 2فئلئسطلی‌لر کاهئنلری و فالچیلاری چاغیریب ددئلر: «ربّئن ساندیغی ائله نه اِدَک؟ بئزه دیئن کی، اونو اؤز یرئنه نجه گئنه گؤندَ‌رَک.»
3اونلار ددئلر: «اگر ائسرایئلئن تاریسینین ساندیغینی گئنه گؤندَ‌رسه‌نئز، اونو بوش گؤندَ‌رمه‌یئن، آنجاق حتمن اونا بئر گوناه قوربانی قایتارین. او زامان شفا تاپاجاقسینیز و بئله‌جکسئنئز کی، اونون اَلی نئیه سئزدن دؤنمه‌یئب.»
4اونلار سوروشدولار: «اونا نه گوناه قوربانی قایتاراق؟» اونلار جاواب وردئلر: «بش قیزیل شئش و بش قیزیل سئچان، فئلئسطلی‌لرئن آغالارینین سایینا گؤره، چونکی همن بلا هامینیزی و آغالارینیزی ووردو.»
5«شئشلرئنئزئن و اؤلکه‌نی خارابا قویان سئچانلارین شکئللرئنی دوزَ‌لدئن؛ ائسرایئلئن تاریسینا عئزّت ورئن. بلکه اؤز اَلئنی سئزدن، آللاهلارینیزدان و تورپاغینیزدان قالدیرا. 6نئیه مئصئر و فئرعون کئمی اوره‌کلرئنئزی عئنادکار ادئرسئنئز؟ مگر اونلار، تاری اونلارلا شئدّتله رفتار اتدئکدن سونرا، آخیردا خالقی اؤز یولونا بوراخمادیلار؟»
7«ائندی تزه بئر عارابا و بوینونا هچ واخت یوغ تاخیلمایان ائکی سودده ائنَک گؤتورون. ائنَکلری عارابایا قوشون، آمّا بالالارینی اونلاردان آییریب آغیلا سالین. 8ربّئن ساندیغینی گؤتوروب عارابانین اوستونه قویون و اونا گوناه قوربانی اولاراق قایتاردیغینیز قیزیل اشیالاری اونون یانیندا بئر قوطویا قویون. سونرا اونو یولا سالین. 9باخین: اگر اؤز تورپاغینا، بِیت‌شِمِشه آپاران یولدان یوخاری گتسه، دمک بو بؤیوک بلانی بئزئم باشیمیزا او گتئرئب. یوخسا بئله‌جیئک کی، اونون اَلی بئزی وورماییب و بو تصادوفَن اولوب.»
10آداملار بله ده اتدئلر: ائکی سودده ائنَک گؤتوروب عارابایا باغلادیلار و بالالارینی اِوده آغیلا سالدیلار. 11آتامیزین ساندیغینی و ائچئنده قیزیل سئچانلار و اؤز شئشلرئنئن شکئللری اولان قوطونو عارابانین اوستونه قویدولار. 12ائنَکلر بِیت‌شِمِشه طرف دوز گتدئلر، بئر یولدا قالیب بؤیوره‌رک، نه صاغا نه ده سولا دؤنمه‌دئلر. فئلئسطلی‌لرئن آغالاری بِیت‌شِمِشئن سرحدئنه قدر اونلارین دالینجا گتدئلر. 13دره‌ده بوغدا بئچن بِیت‌شِمِش اهالئسی باشلارینی قالدیریب ساندیغی گؤردولر و اونو گؤردوکلرئنه سوئندئلر. 14عارابا بِیت‌شِمِشده‌کی یوشَعئن زمئسئنه چاتیب بؤیوک بئر داشین یانیندا دایاندی. اونلار عارابانین تاختالارینی یاریب ائنَکلری آتامیزا یاندیرما قوربانی اولاراق تقدئم اتدئلر. 15لاوئلی‌لر آتامیزین ساندیغینی و یانیندا قیزیل اشیالار اولان قوطونو اِندئرئب بؤیوک داشین اوستونه قویدولار. او گون بِیت‌شِمِش اهالئسی آتامیزا یاندیرما قوربانلاری و قوربانلار تقدئم اتدئلر. 16فئلئسطلی‌لرئن بش آغاسی بوتون بونلاری گؤروب همن گون عِقرونا قاییتدیلار. 17فئلئسطلی‌لرئن آتامیزا گوناه قوربانی اولاراق قایتاردیغی قیزیل شئشلر بونلار ائدی: اَشدود، غَزّه، اَشقِلون، گَت و عِقرون اوچون هر بئرئنه بئر. 18قیزیل سئچانلار بش آغایا عایید اولان بوتون فئلئسطلی شهرلرئنئن سایی قدر ائدی ـ ائستر قالالی شهرلر، ائستر حاصارسیز کَندلر. آتامیزین ساندیغینی قویدوقلاری بؤیوک داش بو گونه قدر بِیت‌شِمِشلی یوشَعئن زمئسئنده بئر شاهئد اولاراق دورور. 19لاکئن آتامیز بِیت‌شِمِش آداملاریندان بعضئلرئنی عهد ساندیغینین ائچئنه باخدیقلاری اوچون ووردو و اونلاردان یتمئش نفری اؤلدوردو. خالق یاس توتدو، چونکی اونلاری بله بؤیوک بئر ضربه ائله وورموشدو. 20بِیت‌شِمِش آداملاری ددئلر: «آتامیزین، بو موقدّس تارینین حوضوروندا کئم دورا بئلر؟ و ساندیق بئزدن آیریلیب کئمئن یانینا گده‌جک؟»
21قئریَت‌یِعه‌رئم اهالئسئنئن یانینا قاصئدلر گؤندَ‌رئب ددئلر: «فئلئسطلی‌لر آتامیزین ساندیغینی قایتاردیلار. اِنئن، اونو اؤز یانینیزا آپارین.»
