መዝሙር 120

120 ¹በመከራዬ ጊዜ ወደ አባታችን ጮኽሁ፤ እርሱም መለሰልኝ።

²አባቴ ሆይ፣ ከሐሰተኛ ከንፈሮችና ከተንኰለኛ ምላስ አድነኝ። ³አባታችን ምን ይሰጥሃል፣ አንተ ተንኰለኛ ምላስ ሆይ፣ ከዚህስ ሌላ ምን ይጨምርልሃል? ⁴የኀያል ሰው የተሳሉ ፍላጾች፣ ከሚነድድ የጥድ ዛፍ ፍም ጋራ። ^a a v4 የጥድ ዛፍ የበረሃ ቍጥቋጦ ሲሆን፣ ከሰሉ እጅግ ተቃጥሎ ለረጅም ጊዜ የሚነድድ ነው።

⁵ወዮልኝ፤ በሜሴክ እኖራለሁና፣ በቄዳር ድንኳኖች መካከል እቀመጣለሁና! ^b b v5 ሜሴክ ወደ ሰሜን ርቆ፣ ቄዳር ደግሞ በዐረብ በረሃ ወደ ደቡብ ምሥራቅ ርቆ ይገኝ ነበር፤ በሚታወቀው ዓለም ጫፍ ለጫፍ የሚገኙ ቦታዎች ሲሆኑ፣ በጠላት እንግዶች ተከብቦ መኖርን ለመሳል አብረው ተጠቅሰዋል። ⁶ሰላምን በሚጠሉ መካከል ከመጠን በላይ ኖሬአለሁ። ⁷እኔ ለሰላም ነኝ፤ በተናገርሁ ጊዜ ግን እነርሱ ለጦርነት ናቸው።