Chingri kahaili Yangkakharingbingwui Ngachaili
Kashangwui Laa akha.
Lamkhakhui mi akha ngasāmsang kha tuihāngra tharan ngāngcham eina ngahānkāmi mibingwui ngalāli leikhavai ngamāna. Ana morchai kakapika mibingwui vang ithumwui Avāli ngakao, raikapinga akhawui malāthing kala meithā malingting pātkada ngahānkāmi, kala awui mayarkarakhuiwui ngalei chi ming khui: Meshech, Kedarwui puibing.
120 1Iwui kakhanang tharan ithumwui Avāli ina ngakaowa, kala ana ili ngahānkāmi.
2Iwui Avā, kakapika morchai eina, mikhanama male eina ili kanmilu. 3Ithumwui Avāna nali khi mirakhala, kala nali khi chungmei mataisangmira, O mikhanama male? 4Raikapinga akhawui malāthing zanlāka kala shimphut thingwui meithā malingting mira. a a v4 Shimphut thing china lamhāngli khalei thingzā akhana; chiwui meithā china kasāng kachui kasāda kala atam kasāngkha rikchinga.
5Iyavo, ina Meshechli okthui kaji, Kedarwui kachonshim ngachaili ina pam kaji hi iwui kachotkachāngna! b b v5 Meshech china katāva̱ khavaknao akhali leisai, kala Kedar china Arabia lamhāngwui khangatei khavaknaoli leisai — theikhui okathuiwui kānkhavaknao khaniwui apambing, yangkashe makashā mibing eina ngayinkahai kharing thāda hāngchitheiwui vang ngarum eina hosai. 6Chingri kahaili yangkakharingbingwui ngachaili ina atam kasāngkha okthuihaira. 7Iya chingri kahaiwui vangna; kha ina matui tharan, athum raiwui vangna.
