Kati na Bato Oyo Bayinaka Kimia
Loyembo ya Kokatuka.
Moto ya mobembo atangi na kovanda kati na bato oyo bazongisaka etumba ntango alobi na bango ya kimia. Azali kolela epai ya Tata na biso mpo na minoko ya lokuta, mpe eyano ezali elilingi ya mibulu ya etumbu mpe makala ya mwa oyo ezikaka; mpe apesi nkombo ya bopaladi na ye: Meseke, bahema ya Kedare.
120 1Na pasi na ngai nabelelaki Tata na biso, mpe azongisaki ngai.
2Tata na ngai, longola ngai na bibebu ya lokuta, na lolemo ya bokosi. 3Tata na biso akopesa yo nini, mpe akobakisa nini lisusu na yo, yo lolemo ya bokosi? 4Miwa ya mobundi oyo ebongisami malamu, elongo na makala ya moto ya nzete ya retama. a a v4 Nzete ya retama ezali nzete moko ya lisobe oyo makala na yango etumbaka makasi mpenza mpe mpona mikolo mingi.
5Mawa na ngai, ete nazali kofanda na Meseke, ete nazali kofanda kati na bema ya Kedare ! b b v5 Meseke ezalaki mosika na nord mpe Kedare mosika na sudi-est kati na lisobe ya Arabia — bisika na nsuka mibale ya mokili oyo eyebani, oyo batangi esika moko mpo na kolakisa bomoi na kati na bapaya oyo bayinaka. 6Nafandaki tango molai kati na bato oyo bayinaka kimia. 7Nazali mpo na kimia ; kasi tango nazali koloba, bango bazali mpo na etumba.
