Hana Kati dya Bana Bisi Menga Ngemba
Mukunga wa kutombuka.
Mukwa nzila kabati mona phasi mu kuzinga ha kati dya batu bana bisi vutula ndinga yandi ya ngemba ni mvita. Wisi funda kwena Tata wetu ndimi za luvunu, wisi vutulwa ni mbandu ya phunza za mukwa mvita yi makala ma mbawu, amana wisi tela homa ha bunzenza bwandi: Meseki, masombolu ma Kedali.
120 1Muna kiwayi kyama, yátela kwena Tata wetu, amana wávutula.
2Ngulula, A Tata wama, mu malebu ma huna, mu lulaka lwa bukamvi. 3Khi kima Tata wetu kakúheka kwena ngeyi, amana khi kima kaleyisa hika kwena ngeyi, ngeyi lulaka lwa bukamvi? 4Phunza za mukwa mvita za mbedi, yi makala ma mbawu ma miti wa lotemi. a a v4 Miti wa lotemi wenina kivunza kimosi kya mu nganga, kina makala mandi masi lema ngolu kibeni amana mu tangwa dya lawu kibeni.
5Khi kiwayi kwena meni, mukuma yizinga mu Meseki, mukuma yinangina hana kati dya masombolu ma Kedali! b b v5 Meseki dyákala kyana-kyana ku tunda, amana Kedali kyana-kyana ku ndambu ya tsosu, muna nganga ya Alabi — bifulu bina binina ku zunga zodi za tsi yina yizayakana, bina bázitanga va kimosi mu kusonga luzingu lwa mutu wunina hana kati dya banzenza ba bambeni. 6Mu tangwa dya lawu kibeni yízingila hana kati dya bana bisi menga ngemba. 7Meni yenina wa ngemba; kaasi tangwa yizonza, bawu benina ba mvita.
