Kezükeve Mütsü Ketako Dolü
Kerekrü keveo tsale.
Thethivomi kezükeve jü po die theri zü küla thümako cejülü hü süo münyüta. Pü ha Po ce kropü meyiko la mezhemelo, süde theri kethimi tsaküthiko mu keto meyikrapü bi küla, mu pü hüta rüna cü: Meshech, Kedar jüfü.
120 1A methi keba tülü i ha Po ce kecü die, Pue i küla kesüzo.
2Apo, meda kepo mülü celü, kropü meyi celü i belü süte. 3Ha Poe no mha prüto, mu no mha veku basa pütsü süto, no kropü meyi? 4Theri kethimi kethopü tsaküthiko, broom sü keto meyikrapü zü. a a v4 Broom sü hihi sekemo ramolü kehüpü sübo zo, pü meyikra ketikrü meto die pütü kecho the mezho kebazo.
5I po mha kemezhe za bazo, i meshu lü kehü die, i keda jüfü dolü kehü die! b b v5 Meshu khra choo kümücu shüta die, Keda ri Arabia sekemo ramolü naze choo kümücu bata — cejü seyi kebao melekre kerho dolü kebako, hani keza süte; ngomu sekemo thümae tsüsapü meza-meo keti khipü za ketola. 6Kezükeve mütsü ketako dolü i pütü kecho hüta zo. 7I kezükeve ketami zo; vele i kepo lize, uko theri thi nyüta.
