Dai Bazaangnu Batannu Nun Lak Pi Ongnu
Katpanu Laa.
Dai bazaangnu lang baom chong ding kraan lang katak thangnu mi nun lak pi lung ongnu ga serwannu manpa khat ga sin basoi nge. Maanna chong karwaknu balei lang ani Pa khou kalumsat nge, kraan katwaknu mi om kathannu thanthing bing khatle brum om choknu meithin om lwat lang katak thang nge, khatle baom lung ongnu riak ding meng kou nge: Meshech, Kedar om pwan in nun.
120 1Ariangrenu bi eina ani Pa khou kou rwe, atiga Maanna ating katak rwe.
2Apa, chong karwaknu mun bina khatle minamnu balei bina ating kan thang ngo. 3Ani Pa na nakhou pa-aam pi thang dingbo, khatle Maanna nakhou pa-aam inkuga hap thang dingbo, nang minamnu balei? 4Kraan katwaknu mi om kathannu thanthing bing, brum thingkung om choknu meithin le bachamga pi thanglune. a a v4 Broom thingkung ga kasairaang ram bi ongnu kasinnu thingkung khat gaye; haba om meithin ga katak chokka khatle bakhwa sei takka roulune.
5Alaang riangre kanangnu taknuwe, eina Meshech bi lung ongme, Kedar om pwan in nun lak pi eina lung ongme! b b v5 Meshech ga namlaaga thiraang lang ong ngaake khatle Kedar ga Arabia kasairaang ram bi namlaaga thiraang-lumik sun lang ong ngaake — theinu talei ram om bakachang bakto lang bi ongnu ram ni gaye, munanu katei rwan na kaanu ongnu ringnu indao thang langna khatpuluga meng saknuwe. 6Dai bazaangnu batannu nun lak pi eina bakhwa sei takka lung ong rwe. 7Ei dai bazaangnu lang nge; atiyeda eina kabia dabe, bani kraan lang nge.