ነህምያ 12

12 ¹ከሰላትያል ልጅ ከዘሩባቤልና ከኢያሱ ጋር የወጡት ካህናትና ሌዋውያን እነዚህ ናቸው፤ ሠራያ፣ ኤርምያስ፣ ዕዝራ፣ ²አማርያ፣ መሉክ፣ ሐጡስ፣ ³ሰካንያ፣ ረሆም፣ ሜሬሞት፣ ⁴አዶ፣ ጊኔቶን፣ አብያ፣ ⁵ሚያሚን፣ መዕድያ፣ ቢልጋ፣ ⁶ሸማያ፣ ዮያሪብ፣ ይዳያ፣ ⁷ሰሉ፣ ዓሞቅ፣ ሒልቅያስ፣ ይዳያ፤ እነዚህ በኢያሱ ዘመን የካህናትና የዘመዶቻቸው አለቆች ነበሩ።

⁸ሌዋውያኑም፦ ኢያሱ፣ ቢኑ፣ ቀድምኤል፣ ሰራብያ፣ ይሁዳና ከወንድሞቹ ጋር የምስጋና መዝሙሮችን የመራው መቷንያ ነበሩ። ⁹ወንድሞቻቸው በቅቡቅያና ዑኒ በአገልግሎት ተራቸው ፊት ለፊታቸው ይቆሙ ነበር። ¹⁰ኢያሱ ዮአቄምን ወለደ፤ ዮአቄም ኤልያሴብን ወለደ፤ ኤልያሴብ ዮአዳን ወለደ፤ ¹¹ዮአዳ ዮናታንን ወለደ፤ ዮናታንም ያዱዓን ወለደ።

¹²በዮአቄም ዘመን የአባቶች ቤቶች አለቆች የነበሩት ካህናት እነዚህ ነበሩ፦ የሠራያ ቤት ምራያ፣ የኤርምያስ ሐናንያ፣ ¹³የዕዝራ መሱላም፤ የአማርያ የሆሐናን፤ ¹⁴የመሉኪ ዮናታን፤ የሰበንያ ዮሴፍ፤ ¹⁵የሃሪም ዓድና፤ የምራዮት ሔልቃይ፤ ¹⁶የአዶ ዘካርያስ፤ የጊኔቶን መሱላም፤ ¹⁷የአብያ ዝክሪ፤ የሚንያሚንና የሞዓድያ ፒልጣይ፤ ¹⁸የቢልጋ ሰሙዓ፤ የሸማያ ይሆናታን፤ ¹⁹የዮያሪብ መተናይ፤ የይዳያ ዑዚ፤ ²⁰የሰላይ ቃላይ፤ የዓሞቅ ዔቤር፤ ²¹የሒልቅያስ ሐሻብያ፤ የይዳያ ናትናኤል።

²²በኤልያሴብ፣ በዮአዳ፣ በዮሐናንና በያዱዓ ዘመን የሌዋውያን የቤተ ሰብ አለቆች ተመዘገቡ፤ ፋርሳዊው ዳርዮስ በነገሠበት ዘመንም ካህናቱ እንዲሁ ተመዘገቡ። ²³የሌዋውያን የቤተ ሰብ አለቆች እስከ ኤልያሴብ ልጅ እስከ ዮሐናን ዘመን ድረስ በዜና መዋዕል መጽሐፍ ተመዝግበው ነበር። ^a a v23 እዚህ ላይ የዜና መዋዕል መጽሐፍ የተባለው መጽሐፍ ቅዱስ ውስጥ ያሉት የዜና መዋዕል መጻሕፍት ሳይሆኑ፣ ይፋዊ የመንግሥት መዝገብ ነው። ²⁴የሌዋውያን አለቆች ሐሻብያ፣ ሰራብያና የቀድምኤል ልጅ ኢያሱ ነበሩ፤ ወንድሞቻቸውም ፊት ለፊታቸው ቆመው፣ የአባታችን ሰው ዳዊት እንዳዘዘው አንዱ ክፍል ለሌላው እየመለሰ ያወድሱና ያመሰግኑ ነበር። ²⁵መቷንያ፣ በቅቡቅያ፣ አብድዩ፣ መሱላም፣ ጠልሞንና ዓቁብ በበሮቹ አጠገብ ያሉትን መጋዘኖች የሚጠብቁ በረኞች ነበሩ። ²⁶እነዚህ በዮሴዴቅ ልጅ በኢያሱ ልጅ በዮአቄም ዘመን፣ እንዲሁም አገረ ገዥ በነበረው በነህምያና ካህንና ጸሐፊ በነበረው በዕዝራ ዘመን አገለገሉ።

ቅጥሩ በታላቅ ደስታ ተመረቀ

²⁷የኢየሩሳሌምን ቅጥር ለመመረቅ፣ ሌዋውያኑን ከሚኖሩበት ስፍራ ሁሉ ፈልገው፣ ምረቃውን በደስታ፣ በምስጋና፣ በመዝሙር፣ በጸናጽል፣ በበገናና በመሰንቆ ያከብሩ ዘንድ ወደ ኢየሩሳሌም አመጧቸው። ²⁸ዘማሪዎቹም ደግሞ በኢየሩሳሌም ዙሪያ ካለው አውራጃና ከኔጦፋታውያን መንደሮች ተሰበሰቡ፤ ²⁹ከቤተ ጊልጋልም፣ ከጌባና ከዓዝማዌት አገር ተሰበሰቡ፤ ዘማሪዎቹ በኢየሩሳሌም ዙሪያ ለራሳቸው መንደሮችን ሠርተው ነበርና። ³⁰ካህናቱና ሌዋውያኑ ራሳቸውን ካነጹ በኋላ፣ ሕዝቡን፣ በሮቹንና ቅጥሩን አነጹ።

³¹ከዚያም የይሁዳን አለቆች ወደ ቅጥሩ ላይ አወጣኋቸው፤ ሁለት ታላላቅ የምስጋና ዘማሪ ጓዶችንም አቆምሁ። አንደኛው ጓድ በቅጥሩ ላይ ወደ ቀኝ፣ ወደ ጕድፍ በር አመራ። ³²ሆሻያና የይሁዳ አለቆች እኩሌቶች ተከተሏቸው፤ ³³ከእነርሱም ጋር አዛርያ፣ ዕዝራ፣ መሱላም፣ ³⁴ይሁዳ፣ ብንያም፣ ሸማያና ኤርምያስ ነበሩ፤ ³⁵ከካህናት ልጆችም አንዳንዶቹ መለከት ይዘው ነበር፤ እነዚህም የዮናታን ልጅ ዘካርያስ ነበር፤ ዮናታንም የሸማያ ልጅ፣ የመቷንያ ልጅ፣ የሚክያስ ልጅ፣ የዛኩር ልጅ፣ የአሳፍ ልጅ ነበር፤ ³⁶ወንድሞቹም ሸማያ፣ ዓዛርኤል፣ ሚላላይ፣ ጊላላይ፣ ማዓይ፣ ናትናኤል፣ ይሁዳና ሐናኒ ከአባታችን ሰው ከዳዊት የመዝሙር መሣሪያዎች ጋር ነበሩ፤ ጸሐፊው ዕዝራም በፊታቸው ይመራ ነበር። ³⁷በምንጭ በርም፣ በቀጥታ የዳዊትን ከተማ ደረጃ ወጡ፤ በቅጥሩ ዳገት ላይ፣ ከዳዊት ቤት አልፈው፣ በምሥራቅ በኩል እስካለው እስከ ውሃ በር ደረሱ።

³⁸ሁለተኛው የምስጋና ጓድ ወደ ግራ አመራ፤ እኔም ከሕዝቡ እኩሌታ ጋር ተከተልሁ፤ በቅጥሩ ላይ ከእቶኖች ግንብ አልፈን እስከ ሰፊው ቅጥር፣ ³⁹ከኤፍሬም በር፣ ከብሉይ በር፣ ከዓሣ በር፣ ከሐናንኤል ግንብና ከመቶ ግንብ አልፈን እስከ በጎች በር ደረስን፤ በጥበቃ በርም ላይ ቆምን። ⁴⁰ሁለቱም የምስጋና ጓዶች በአባታችን ቤት ቆሙ፤ እኔም ከእኔ ጋር ከነበሩት ባለሥልጣናት እኩሌታ ጋር ቆምሁ፤ ⁴¹ካህናቱም ኤልያቄም፣ መዓሥያ፣ ሚንያሚን፣ ሚክያስ፣ ኤሊዮዐይናይ፣ ዘካርያስና ሐናንያ መለከታቸውን ይዘው ነበሩ፤ ⁴²እንዲሁም መዓሥያ፣ ሸማያ፣ አልዓዛር፣ ዑዚ፣ የሆሐናን፣ መልክያስ፣ ዔላምና ዔጸር ነበሩ። ዘማሪዎቹም የዝራህያ እየመራቸው ዘመሩ። ⁴³በዚያ ቀን ታላላቅ መሥዋዕቶችን አቀረቡ፤ ደስም አላቸው፤ አባታችን ታላቅ ደስታን ሰጥቷቸዋልና። ሴቶችና ሕፃናትም ደስ አላቸው፤ የኢየሩሳሌምም ደስታ በሩቅ ተሰማ።

አብን የሚያገለግሉትን መንከባከብ

⁴⁴በዚያም ቀን ለመባዎች፣ ለበኵራትና ለአሥራት በሚሆኑ መጋዘኖች ላይ ሰዎች ተሾሙ፤ እነዚህም ሕጉ ለካህናትና ለሌዋውያን የሚሰጠውን ድርሻ ከከተሞች እርሻ እንዲሰበስቡ ነበር፤ ይሁዳ በሚያገለግሉት ካህናትና ሌዋውያን ደስ ተሰኝቶ ነበርና። ⁴⁵ዳዊትና ልጁ ሰሎሞን እንዳዘዙት፣ እነርሱ ለአባታችንና ለመንጻት ያለባቸውን ተግባር ጠበቁ፤ ዘማሪዎቹና በረኞቹም እንዲሁ አደረጉ። ⁴⁶ከጥንት ጀምሮ፣ በዳዊትና በአሳፍ ዘመን፣ ለአባታችን ውዳሴንና ምስጋናን የሚመሩ የመዝሙር አለቆች ነበሩና። ⁴⁷በዘሩባቤልና በነህምያ ዘመን፣ እስራኤል ሁሉ ለዘማሪዎቹና ለበረኞቹ የዕለት ድርሻቸውን ይሰጡ ነበር፤ ለሌዋውያንም ድርሻ ይለዩ ነበር፤ ሌዋውያኑም ለአሮን ዘሮች ድርሻ ይለዩ ነበር።