ነህምያ 11

11 ¹የሕዝቡ አለቆች በኢየሩሳሌም ተቀመጡ፤ የቀሩትም ከዐሥሩ አንዱ በቅድስቲቱ ከተማ በኢየሩሳሌም እንዲኖር ለማምጣት ዕጣ ተጣጣሉ፤ ዘጠኝ ዐሥረኛውም በየከተሞቹ ቀሩ። ²ሕዝቡም በኢየሩሳሌም ለመኖር በፈቃዳቸው ራሳቸውን ያቀረቡትን ሰዎች ሁሉ ባረኩ።

³በኢየሩሳሌም የተቀመጡት የአውራጃው አለቆች እነዚህ ናቸው፤ በይሁዳ ከተሞች ግን እስራኤላውያን፣ ካህናቱ፣ ሌዋውያኑ፣ የቤተ መቅደሱ አገልጋዮችና የሰሎሞን ባሪያዎች ልጆች እያንዳንዳቸው በገዛ ርስታቸው በየከተማቸው ተቀመጡ። ⁴ከይሁዳና ከብንያም ልጆች አንዳንዶቹ በኢየሩሳሌም ተቀመጡ። ከይሁዳ ወገን፦ ዐታያ የዖዝያ ልጅ፣ ዖዝያ የዘካርያስ ልጅ፣ ዘካርያስ የአማርያ ልጅ፣ አማርያ የሸፋጥያ ልጅ፣ ሸፋጥያ የመህለልኤል ልጅ ሲሆን፣ ከፋሬስ ዝርያ ነበር፤ ⁵መዕሢያም የባሮክ ልጅ፣ ባሮክ የኮልሖዜ ልጅ፣ ኮልሖዜ የሐዛያ ልጅ፣ ሐዛያ የአዳያ ልጅ፣ አዳያ የዮያሪብ ልጅ፣ ዮያሪብ የዘካርያስ ልጅ፣ ዘካርያስ የሴሎናዊው ልጅ ነበር። ⁶በኢየሩሳሌም የተቀመጡት የፋሬስ ዘሮች ሁሉ 468 ጐበዛዝት ሰዎች ነበሩ።

⁷ከብንያም፦ ሣሉ የመሱላም ልጅ፣ መሱላም የዮዔድ ልጅ፣ ዮዔድ የፈዳያ ልጅ፣ ፈዳያ የቆላያ ልጅ፣ ቆላያ የመዕሢያ ልጅ፣ መዕሢያ የኢቲኤል ልጅ፣ ኢቲኤል የኢሳይያስ ልጅ ነበር፤ ⁸ከእርሱም ቀጥሎ ጋባይና ሣላይ፤ በጠቅላላው 928 ነበሩ። ⁹የዝክሪ ልጅ ኢዮኤል የእነርሱ አዛዥ ነበር፤ የሃሰኑአ ልጅ ይሁዳም በከተማዪቱ ላይ ሁለተኛ ነበር።

¹⁰ከካህናቱ፦ ይዳያ የዮያሪብ ልጅ፣ ያኪን፤ ¹¹ሠራያ የኬልቅያ ልጅ፣ ኬልቅያ የመሱላም ልጅ፣ መሱላም የሳዶቅ ልጅ፣ ሳዶቅ የምራዮት ልጅ፣ ምራዮት የአኪጦብ ልጅ ሲሆን፣ የአባታችን ቤት ዋና ኀላፊ ነበር፤ ¹²የቤቱን ሥራ የሚሠሩ ወንድሞቻቸውም 822 ነበሩ፤ አዳያም የይሮሃም ልጅ፣ ይሮሃም የፈላልያ ልጅ፣ ፈላልያ የአምጺ ልጅ፣ አምጺ የዘካርያስ ልጅ፣ ዘካርያስ የፋስኮር ልጅ፣ ፋስኮር የመልክያ ልጅ ነበር፤ ¹³ወንድሞቹም የቤተ ሰብ አለቆች 242 ነበሩ፤ አማሻይም የአዛርኤል ልጅ፣ አዛርኤል የአኅዛይ ልጅ፣ አኅዛይ የመሺሌሞት ልጅ፣ መሺሌሞት የኤሜር ልጅ ነበር፤ ¹⁴ባልደረቦቻቸውም ጐበዛዝት ተዋጊዎች 128 ነበሩ፤ አዛዣቸውም የሃጌዶሊም ልጅ ዘብድኤል ነበር።

¹⁵ከሌዋውያን፦ ሸማያ የሐሱብ ልጅ፣ ሐሱብ የአዝሪቃም ልጅ፣ አዝሪቃም የሐሻብያ ልጅ፣ ሐሻብያ የቡኒ ልጅ ነበር፤ ¹⁶ከሌዋውያን አለቆች የሆኑት ሸበታይና ዮዛባድም የአባታችንን ቤት የውጭ ሥራ ይቈጣጠሩ ነበር፤ ¹⁷መታንያም የሚካ ልጅ፣ ሚካ የዘብዲ ልጅ፣ ዘብዲ የአሳፍ ልጅ ሆኖ፣ በምስጋናና በጸሎት የሚመራ ነበር፤ በኩክያም ከባልደረቦቹ መካከል ሁለተኛ ነበር፤ ዐብዳም የሳሙአ ልጅ፣ ሳሙአ የገላል ልጅ፣ ገላል የይዱቱን ልጅ ነበር። ¹⁸በቅድስቲቱ ከተማ የነበሩት ሌዋውያን ሁሉ 284 ነበሩ።

¹⁹በረኞቹ፦ አኩብ፣ ጦልሞንና በደጆች ላይ ይጠብቁ የነበሩት ባልደረቦቻቸው 172 ነበሩ።

²⁰የቀሩት እስራኤላውያን፣ ካህናቱና ሌዋውያኑ እያንዳንዳቸው በገዛ ርስታቸው በይሁዳ ከተሞች ሁሉ ነበሩ። ²¹የቤተ መቅደሱ አገልጋዮች በዖፌል ተቀመጡ፤ ዚሃና ጊሽጳም በቤተ መቅደሱ አገልጋዮች ላይ አለቆች ነበሩ።

²²ዑዚ የባኒ ልጅ፣ ባኒ የሐሻብያ ልጅ፣ ሐሻብያ የመታንያ ልጅ፣ መታንያ የሚካ ልጅ ሲሆን፣ ከአሳፍ ዝርያ ነበር፤ እርሱም በኢየሩሳሌም የነበሩትን ሌዋውያን፣ ማለት የአባታችንን ቤት ሥራ የተመደቡትን ዘማሪዎች ይቈጣጠር ነበር። ²³ስለ እነርሱ ከንጉሡ ትእዛዝ ነበርና፤ ለዘማሪዎቹም ዕለታዊ የተወሰነ ቀለብ ነበር። ²⁴የመሼዛብኤል ልጅ ፈታህያ ከይሁዳ ልጅ ከዛራ ዝርያ ሆኖ፣ ስለ ሕዝቡ በሚመለከት ጒዳይ ሁሉ በንጉሡ እጅ ነበር።

²⁵መንደሮቹንና ዕርሻዎቻቸውን በሚመለከት፦ ከይሁዳ ልጆች አንዳንዶቹ በቂርያትአርባና በመንደሮቿ፣ በዲቦንና በመንደሮቿ፣ በይቅበጽኤልና በሰፈሮቿ ተቀመጡ፤ ²⁶በኢያሱ፣ በሞላዳ፣ በቤትፌሌጥ፣ ²⁷በሐጽርሱአል፣ በቤርሳቤህና በመንደሮቿ፣ ²⁸በጺቅላግ፣ በመኮናና በመንደሮቿ፣ ²⁹በዐይንሬሞን፣ በጾርዓ፣ በያርሙት፣ ³⁰በዛኖዓ፣ በዓዱላምና በመንደሮቻቸው፣ በለኪሶችና በዕርሻዎቿ፣ በዓዜቃና በመንደሮቿ ተቀመጡ። ስለዚህ ከቤርሳቤህ አንሥቶ እስከ ሕኖም ሸለቆ ድረስ ሰፈሩ። ³¹የብንያም ልጆች ከጌባ ጀምረው በሚክማሽ፣ በዓያ፣ በቤቴልና በመንደሮቿ ተቀመጡ፤ ³²በዓናቶት፣ በኖብ፣ በዓናንያ፣ ³³በሐጾር፣ በራማ፣ በጊታይም፣ ³⁴በሐዲድ፣ በጽቦዒም፣ በነባላጥ፣ ³⁵በሎድና በኦኖ፣ በእጅ ባለ ሙያተኞች ሸለቆ ተቀመጡ። ³⁶ከይሁዳ የመጡ አንዳንድ የሌዋውያን ክፍሎችም ለብንያም ተመደቡ።