ଯେଉଁମାନେ ପବିତ୍ର ନଗରକୁ ଆପଣା ବାସସ୍ଥାନ କଲେ

ଯିରୂଶାଲମକୁ ବାସିନ୍ଦା ଦରକାର, ତେଣୁ ଗୁଲିବାଣ୍ଟ ଦ୍ୱାରା ଦଶଟି ପରିବାରରୁ ଗୋଟିଏକୁ ପ୍ରାଚୀର ଭିତରକୁ ଅଣାଯାଏ, ଏବଂ ଯେଉଁମାନେ ସ୍ୱେଚ୍ଛାରେ ଆସନ୍ତି ଲୋକମାନେ ସେମାନଙ୍କୁ ଆଶୀର୍ବାଦ କରନ୍ତି। ଅଧ୍ୟାୟଟି ସେଠାରେ କିଏ ବାସ କଲେ — ନେତା, ଯାଜକ, ଲେବୀୟ, ଦ୍ୱାରପାଳ, ଗାୟକ — ଏବଂ ଯିହୁଦା ଓ ବିନ୍ୟାମୀନର ଅବଶିଷ୍ଟ ଲୋକ କେଉଁ ଗ୍ରାମମାନଙ୍କରେ ରହିଲେ, ତାହାର ତାଲିକା ଦିଏ।

ଅଧ୍ୟାୟ 11।

ଅଧ୍ୟକ୍ଷମାନେ ଯିରୂଶାଲମରେ ବାସ କଲେ; ଅବଶିଷ୍ଟ ଲୋକମାନେ ପ୍ରତି ଦଶ ଜଣ ମଧ୍ୟରୁ ଏକ ଜଣଙ୍କୁ ପବିତ୍ର ନଗର ଯିରୂଶାଲମରେ ବାସ କରାଇବା ନିମନ୍ତେ ଗୁଲିବାଣ୍ଟ କଲେ, ପୁଣି ଅବଶିଷ୍ଟ ନଅ ଅଂଶ ନାନା ନଗରରେ ରହିଲେ। ଆଉ ଯେଉଁ ଲୋକମାନେ ଯିରୂଶାଲମରେ ବାସ କରିବା ନିମନ୍ତେ ଆପେ ଆପେ ଆପଣାମାନଙ୍କୁ ଉତ୍ସର୍ଗ କଲେ, ସେସମସ୍ତଙ୍କୁ ଲୋକମାନେ ଆଶୀର୍ବାଦ କଲେ।

ଯେଉଁ ପ୍ରଦେଶର ଅଧ୍ୟକ୍ଷମାନେ ଯିରୂଶାଲମରେ ବାସ କଲେ, ସେମାନେ ଏହି; ମାତ୍ର ଯିହୁଦାର ନାନା ନଗରରେ ଇସ୍ରାଏଲ, ଯାଜକ, ଲେବୀୟ, ମନ୍ଦିର-ସେବକ ଓ ଶଲୋମନଙ୍କ ଦାସମାନଙ୍କ ବଂଶଧରମାନେ ପ୍ରତ୍ୟେକେ ଆପଣା ଆପଣା ନଗରର ଅଧିକାରରେ ବାସ କଲେ। ପୁଣି ଯିହୁଦା ଓ ବିନ୍ୟାମୀନ୍‍ର ବଂଶଧରମାନଙ୍କ ମଧ୍ୟରୁ କେତେକ ଯିରୂଶାଲମରେ ବାସ କଲେ। ଯିହୁଦା ବଂଶରୁ: ଉଷୀୟର ପୁତ୍ର ଅଥାୟ, ସେ ଜିଖରୀୟର ପୁତ୍ର, ସେ ଅମରୀୟର ପୁତ୍ର, ସେ ଶଫଟୀୟର ପୁତ୍ର, ସେ ମହଲଲେଲ୍‍ର ପୁତ୍ର, ସେ ପେରସ୍‍ର ବଂଶଧରମାନଙ୍କ ମଧ୍ୟରୁ; ଆଉ ବାରୂକ୍‍ର ପୁତ୍ର ମାସେୟ, ସେ କଲ୍‍ହୋଜିର ପୁତ୍ର, ସେ ହସାୟର ପୁତ୍ର, ସେ ଅଦାୟର ପୁତ୍ର, ସେ ଯୋୟାରୀବ୍‍ର ପୁତ୍ର, ସେ ଜିଖରୀୟର ପୁତ୍ର, ସେ ଶୀଲୋନୀୟର ପୁତ୍ର। ଯିରୂଶାଲମରେ ବାସ କରିବା ପେରସ୍‍ର ବଂଶଧରମାନଙ୍କ ସମସ୍ତ ବୀର ଲୋକ ଚାରି ଶହ ଅଠଷଠି ଜଣ ଥିଲେ।

ଆଉ ବିନ୍ୟାମୀନ୍ ବଂଶରୁ ଏହିମାନେ: ମଶୁଲ୍ଲମ୍‍ର ପୁତ୍ର ସଲ୍ଲୁ, ସେ ଯୋୟେଦ୍‍ର ପୁତ୍ର, ସେ ପଦାୟର ପୁତ୍ର, ସେ କୋଲାୟର ପୁତ୍ର, ସେ ମାସେୟର ପୁତ୍ର, ସେ ଈଥୀୟେଲ୍‍ର ପୁତ୍ର, ସେ ଯିଶାୟର ପୁତ୍ର, ପୁଣି ତାହା ପରେ ଗବ୍ବୟ ଓ ସଲ୍ଲୟ, ସର୍ବସୁଦ୍ଧା ନଅ ଶହ ଅଠାଇଶ ଜଣ। ଜିଖ୍ରିର ପୁତ୍ର ଯୋୟେଲ୍ ସେମାନଙ୍କର ଅଧ୍ୟକ୍ଷ ଥିଲା; ପୁଣି ହସ୍‍ନୂଆର ପୁତ୍ର ଯିହୁଦା ନଗରର ଦ୍ଵିତୀୟ ଶାସନକର୍ତ୍ତା ଥିଲା।

ଯାଜକମାନଙ୍କ ମଧ୍ୟରୁ: ଯୋୟାରୀବ୍‍ର ପୁତ୍ର ଯିଦୟୀୟ, ଯାଖୀନ୍, ହିଲ୍‍କୀୟର ପୁତ୍ର ସରାୟ, ସେ ମଶୁଲ୍ଲମ୍‍ର ପୁତ୍ର, ସେ ସାଦୋକ୍‍ର ପୁତ୍ର, ସେ ମରାୟୋତ୍‍ର ପୁତ୍ର, ସେ ଅହୀଟୂବ୍‍ର ପୁତ୍ର, ସେ ଆମ୍ଭମାନଙ୍କ ପିତାଙ୍କ ଗୃହର ପ୍ରଧାନ ଅଧ୍ୟକ୍ଷ ଥିଲା; ଆଉ ଗୃହର କାର୍ଯ୍ୟ କରିବା ସେମାନଙ୍କ ଭାଇମାନେ ଆଠ ଶହ ବାଇଶ ଜଣ; ପୁଣି ଯିରୋହମ୍‍ର ପୁତ୍ର ଅଦାୟ, ସେ ପଲଲୀୟର ପୁତ୍ର, ସେ ଅମ୍‍ସିର ପୁତ୍ର, ସେ ଜିଖରୀୟର ପୁତ୍ର, ସେ ପଶ୍‍ହୂର୍‍ର ପୁତ୍ର, ସେ ମଲ୍‍କୀୟର ପୁତ୍ର, ଆଉ ପିତୃବଂଶର ପ୍ରଧାନ ତାହାର ଭାଇମାନେ ଦୁଇ ଶହ ବୟାଳିଶ ଜଣ; ଆଉ ଅସରେଲ୍‍ର ପୁତ୍ର ଅମଶ୍‍ସୟ, ସେ ଅହ୍‍ସୟର ପୁତ୍ର, ସେ ମଶିଲ୍ଲମୋତ୍‍ର ପୁତ୍ର, ସେ ଇମ୍ମେର୍‍ର ପୁତ୍ର, ପୁଣି ସେମାନଙ୍କ ସଙ୍ଗୀ ବୀର ଯୋଦ୍ଧାମାନେ ଏକ ଶହ ଅଠାଇଶ ଜଣ; ଆଉ ହଗ୍‍ଗଦୋଲୀମ୍‍ର ପୁତ୍ର ସବ୍‍ଦୀୟେଲ୍ ସେମାନଙ୍କର ଅଧ୍ୟକ୍ଷ ଥିଲା।

ପୁଣି ଲେବୀୟମାନଙ୍କ ମଧ୍ୟରୁ: ହଶୂବ୍‍ର ପୁତ୍ର ଶମୟୀୟ, ସେ ଅସ୍‍ରୀକାମ୍‍ର ପୁତ୍ର, ସେ ହଶବୀୟର ପୁତ୍ର, ସେ ବୁନ୍ନିର ପୁତ୍ର; ଆଉ ଲେବୀୟମାନଙ୍କ ପ୍ରଧାନବର୍ଗ ମଧ୍ୟରୁ ଶବ୍ବଥୟ ଓ ଯୋଷାବଦ୍ ଆମ୍ଭମାନଙ୍କ ପିତାଙ୍କ ଗୃହର ବାହ୍ୟ କାର୍ଯ୍ୟ ଉପରେ ନିଯୁକ୍ତ ଥିଲେ; ଆଉ ମୀଖାର ପୁତ୍ର ମତ୍ତନୀୟ, ସେ ସବ୍‍ଦିର ପୁତ୍ର, ସେ ଆସଫ୍‍ର ପୁତ୍ର, ସେ ପ୍ରାର୍ଥନା ସମୟରେ ଧନ୍ୟବାଦ ଦେବା ନିମନ୍ତେ ଅଗ୍ରଣୀ ଥିଲା; ଆଉ ତାହାର ସଙ୍ଗୀମାନଙ୍କ ମଧ୍ୟରେ ବକ୍‍ବୁକୀୟ ଦ୍ଵିତୀୟ ଥିଲା; ପୁଣି ଶମ୍ମୂୟର ପୁତ୍ର ଅବ୍ଦା, ସେ ଗାଲଲ୍‍ର ପୁତ୍ର, ସେ ଯିଦୂଥୂନ୍‍ର ପୁତ୍ର। ପବିତ୍ର ନଗରସ୍ଥିତ ସମସ୍ତ ଲେବୀୟ ଦୁଇ ଶହ ଚଉରାଅଶୀ ଜଣ ଥିଲେ।

ଆଉ ଦ୍ଵାରପାଳମାନେ, ଅର୍ଥାତ୍ ଅକୂବ୍, ଟଲମୋନ୍ ଓ ଦ୍ଵାରସମୂହରେ ପ୍ରହରୀ କାର୍ଯ୍ୟ କରିବା ସେମାନଙ୍କ ସଙ୍ଗୀମାନେ ଏକ ଶହ ବାସ୍ତରି ଜଣ ଥିଲେ।

ଇସ୍ରାଏଲର ଅବଶିଷ୍ଟ ଲୋକ, ଯାଜକ ଓ ଲେବୀୟମାନେ ଯିହୁଦାର ସମସ୍ତ ନଗରରେ ପ୍ରତ୍ୟେକେ ଆପଣା ଆପଣା ଅଧିକାରରେ ବାସ କଲେ। ମାତ୍ର ମନ୍ଦିର-ସେବକମାନେ ଓଫଲରେ ବାସ କଲେ; ଆଉ ସୀହ ଓ ଗିଶ୍‍ପ ମନ୍ଦିର-ସେବକମାନଙ୍କ ଉପରେ ଅଧ୍ୟକ୍ଷ ଥିଲେ।

ପୁଣି ବାନିର ପୁତ୍ର ଉଷ୍‍ଷି, ସେ ହଶବୀୟର ପୁତ୍ର, ସେ ମତ୍ତନୀୟର ପୁତ୍ର, ସେ ମୀଖାର ପୁତ୍ର, ସେ ଆସଫ୍‍ର ବଂଶଧରମାନଙ୍କ ମଧ୍ୟରୁ ଥିଲା, ସେ ଯିରୂଶାଲମସ୍ଥିତ ଲେବୀୟମାନଙ୍କ, ଅର୍ଥାତ୍ ଆମ୍ଭମାନଙ୍କ ପିତାଙ୍କ ଗୃହର କାର୍ଯ୍ୟ ପାଇଁ ନିଯୁକ୍ତ ଗାୟକମାନଙ୍କ ଉପରେ ଅଧ୍ୟକ୍ଷ ଥିଲା। କାରଣ ସେମାନଙ୍କ ବିଷୟରେ ରାଜାଙ୍କଠାରୁ ଆଜ୍ଞା ଥିଲା, ପୁଣି ଗାୟକମାନଙ୍କ ନିମନ୍ତେ ପ୍ରତିଦିନ ନିରୂପିତ ବୃତ୍ତି ଥିଲା। ଆଉ ଲୋକମାନଙ୍କ ସମସ୍ତ ବିଷୟରେ ରାଜାଙ୍କ ପକ୍ଷରେ ମଶେଷବେଲ୍‍ର ପୁତ୍ର ପଥାହୀୟ ଥିଲା, ସେ ଯିହୁଦାର ପୁତ୍ର ଜେରହର ବଂଶଧରମାନଙ୍କ ମଧ୍ୟରୁ ଥିଲା।

ଆଉ ଗ୍ରାମ ଓ ତହିଁର ଭୂମି ବିଷୟରେ, ଯିହୁଦାର ବଂଶଧରମାନଙ୍କ ମଧ୍ୟରୁ କେତେକ କିରୀୟଥ୍‍ଅର୍ବ ଓ ତହିଁର ଉପନଗରରେ, ଦୀବୋନ୍ ଓ ତହିଁର ଉପନଗରରେ, ଯିକବ୍‍ସେଲ୍ ଓ ତହିଁର ଗ୍ରାମସମୂହରେ, ପୁଣି ଯେଶୂୟ, ମୋଲାଦା, ବେଥ୍‍ପେଲଟ୍, ହତ୍‍ସର୍‍ଶୂୟାଲ, ବେର୍‍ଶେବା ଓ ତହିଁର ଉପନଗରରେ, ସିକ୍‍ଲଗ୍, ମଖୋନା ଓ ତହିଁର ଉପନଗରରେ, ଐନ୍‍ରିମ୍ମୋନ୍, ସରାୟ, ଯର୍ମୂତ୍‍ରେ, ସାନୋହ, ଅଦୁଲ୍ଲମ୍ ଓ ତହିଁର ଗ୍ରାମସମୂହରେ, ଲାଖୀଶ୍ ଓ ତହିଁର ଭୂମିରେ, ଅସେକା ଓ ତହିଁର ଉପନଗରରେ ବାସ କଲେ। ଏହିରୂପେ ସେମାନେ ବେର୍‍ଶେବାଠାରୁ ହିନ୍ନୋମ୍ ଉପତ୍ୟକା ପର୍ଯ୍ୟନ୍ତ ବସତି ସ୍ଥାପନ କଲେ। ଆଉ ବିନ୍ୟାମୀନ୍‍ର ବଂଶଧରମାନେ ଗେବାଠାରୁ ଆରମ୍ଭ କରି ମିକ୍‍ମସ୍, ଅୟା, ବେଥେଲ୍ ଓ ତହିଁର ଉପନଗରରେ ବାସ କଲେ, ଅନାଥୋତ୍, ନୋବ୍, ଅନନୀୟ, ହତ୍‍ସୋର୍, ରାମା, ଗିତ୍ତୟିମ୍, ହାଦୀଦ୍, ସବୋୟୀମ୍, ନବଲ୍ଲଟ୍, ଲୋଦ୍ ଓ ଓନୋ, ଶିଳ୍ପକାରମାନଙ୍କ ଉପତ୍ୟକାରେ ବାସ କଲେ। ପୁଣି ଯିହୁଦାର ଲେବୀୟମାନଙ୍କ କେତେକ ଦଳ ବିନ୍ୟାମୀନ୍ ସଙ୍ଗେ ନିଯୁକ୍ତ ହେଲେ।