Nehemiah 11

11 ¹Akhokabingna Jerusalemli pama; kala khangatateibingla tharā chili akha keinung kathara Jerusalemli pam khavai khuirā khavai kalā yanga, kala chiko chi keinungbingli pama. ²Kala mibingna mathānthup eina Jerusalemli pam khavai kayarui mi saikorali somi.

³Jerusalemli kapama leikhaiwui akhokabing chi hina; kha Judahwui keinungbingli Israelnaobing, pāngmonbing, Levinaobing, Khorumshim khamayonbing, kala Solomonwui raobingwui naomayarabing, mi kachiva̱na athumwui keinungli kachichāwui shimluili pama. ⁴Judah eina Benjaminwui naomayara kaikha Jerusalemli pama. Judahwui eina: Uzziahwui nao Athaiah, Zechariahwui nao, Amariahwui nao, Shephatiahwui nao, Mahalalelwui nao, Perezwui naomayarabingwui eina; ⁵kala Baruchwui nao Ma-aseiah, Colhozehwui nao, Hazaiahwui nao, Adaiahwui nao, Joiaribwui nao, Zechariahwui nao, Shilonpawui nao. ⁶Jerusalemli kapama Perezwui naomayara saikora kapingpinga mi shāmati hangtharukta chishatna.

⁷Benjaminshi: Meshullamwui nao Sallu, Joedwui nao, Pedaiahwui nao, Kolaiahwui nao, Ma-aseiahwui nao, Ithi-elwui nao, Jeshaiahwui nao, ⁸kala awui thili Gabbai eina Sallai—katonga shāchiko maga̱da chishatna. ⁹Zichriwui nao Joelna athumwui yangkhame sai; kala Hassenuahwui nao Judahna keinungwui kakhane yangkhame sai.

¹⁰Pāngmonbing: Joiaribwui nao Jedaiah, Jachin, ¹¹Hilkiahwui nao Seraiah, Meshullamwui nao, Zadokwui nao, Meraiothwui nao, Ahitubwui nao, ithumwui Avāwui shimli otva̱bingwui kathāna kasāna; ¹²kala athumwui achinā ngarā, shimwui ot kasābing: shāchishat maga̱da khani; kala Jerohamwui nao Adaiah, Pelaliahwui nao, Amziwui nao, Zechariahwui nao, Pashhurwui nao, Malchijahwui nao, ¹³kala awui achinā ngarā, shimkhurwui kathānabing—shākhani maga̱da khani; kala Azarelwui nao Amashsai, Ahzaiwui nao, Meshilemothwui nao, Immerwui nao, ¹⁴kala athumwui ngasotnaobing, rai kapingabing—shākha maga̱da chishat; kala athumwui yangkhamena chiya Haggedolimwui nao Zabdi-elna.

¹⁵Levinaobingwui eina: Hasshubwui nao Shemaiah, Azrikamwui nao, Hashabiahwui nao, Bunniwui nao; ¹⁶kala Levinaobingwui kathānabingwui eina Shabbethai eina Jozabadna ithumwui Avāwui shimwui ayarwui ot singa; ¹⁷kala Micawui nao Mattaniah, Zabdiwui nao, Asaphwui nao, chiya ningkashi eina seihā thānmi; Bakbukiah, awui ngasotnaobingwui ngachaili kakhanena; kala Shammu-awui nao Abda, Galalwui nao, Jeduthunwui nao. ¹⁸Keinung katharali khalei Levinaobing saikora shākhani hangchishatta matina.

¹⁹Ngavei khamayonbing: Akkub, Talmon, kala ngaveili raikān sāda khamayona kahai athumwui ngasotnaobing shākha hangshinida khanina.

²⁰Israel khangatei mibing, pāngmonbing, kala Levinaobing chi Judahwui keinung saikorali, kachiva̱ awui shimluili pama. ²¹Khorumshimwui otram khangatha̱bingna Ophelli pama; Ziha kala Gishpa aniya Khorumshimli otram khangatha̱bingwui alungli yanga.

²²Asaphwui naomayarabingwui eina Baniwui nao Uzzina, Hashabiahwui nao, Mattaniahwui nao, Micawui nao, Jerusalemli Levinaobingli yanga; laa kasābing chi ithumwui Avāwui shimwui otram khangatha̱bingna. ²³Khikhalajila awungana athumwui pongli kasohaisai, kala laa kasābingwui vang thangthangwui yar chi shomkahaina. ²⁴Judahwui naomayara Zerahwui naomayarabingwui eina Meshezabelwui nao Pethahiahna mibingwui pongli ot kachiva̱wui vang awungawui pāngli pama.

²⁵Kha̱bing kala chiwui lubingwui pongli, Judahwui naomayara kaikhana Kiriath-arba kala chiwui kha̱bing, Dibon kala chiwui kha̱bing, Jekabzeel kala chiwui kha̱bingli pama, ²⁶Jeshuali, Moladah, Beth-peletli, ²⁷Hazar-shual, Beer-shebali kala chiwui kha̱bingli, ²⁸Ziklagli, Meconah kala chiwui kha̱bingli, ²⁹En-rimmonli, Zorahli, Jarmuthli, ³⁰Zanoah, Adullam kala chiwui kha̱bing, Lachish kala chiwui luibing, Azekah kala chiwui kha̱bing. Chithāda athumna Beer-sheba eina thuilaga Hinnomwui tampāk eina tangda pama. ³¹Benjaminwui naomayarabingna Geba eina thuilaga Michmashli, Aijali, Bethel kala chiwui kha̱bingli, ³²Anathoth, Nobli, Ananiah, ³³Hazor, Ramah, Gittaim, ³⁴Hadid, Zeboim, Neballat, ³⁵Lod, kala them kathemwui tampāk Onoli pama. ³⁶Kala Judahwui eina Levinaobingwui ngayarkakhai kaikha Benjaminli kapangsanga.