Koweek Tisiik ak Lawiigap Kwanda Koonywa
Letap king'oorunji ibinwegap tisiik ak Lawiikap Kwandanyo, kiitabaan koroito ne kagees: king'eet tuiyosyek aeng' che tyeni che oo kotogostoi parak, kowende icheek komosyosyek aeng' eng' parak koroito, kotuiyo Hekaluut. Koyai tiseiywek ak tyennateet poiboiyet ne kigas ole loo kong'eet Jerusalem.
12 1Chu ko tisiik ak Lawiik che ki nyoo kobooto Zerubabel weeriitap Shealtiel ak Jeshua: Seraiah, Jeremiah, Ezra, 2Amariah, Maluk, Hattush, 3Shekaniah, Rehum, Meremoth, 4Ido, Ginnethoi, Abijah, 5Mijamin, Maadiah, Bilgah, 6Shemaiah, Joiarib, Jedaiah, 7Salu, Amok, Hilkiah, Jedaiah—metowegap tisiik ak tupchosyekwak eng' peetuusyegap Jeshua.
8Lawiik: Jeshua, Binnui, Kadmiel, Sherebiah, Judah, ak Mattaniah, ne ki pou tyenwogigap kongoi kobooto tupchosyekyik. 9Ki tononso Bakbukiah ak Unni, tupchosyekwak, eng' taitap icheek eng' teteetap poisyennywa. 10Ki sich Jeshua Joiakim, kosich Joiakim Eliashib, kosich Eliashib Joiada, 11Kosich Joiada Jonathan, kosich Jonathan Jaddua.
12Eng' peetuusyegap Joiakim, ki pou tisiichu kooriigap kwanik: Meraiah kootap Seraiah, Hananiah kootap Jeremiah, 13ne po Ezra, Meshullam; ne po Amariah, Jehohanan; 14ne po Malluki, Jonathan; ne po Shebaniah, Joseph; 15ne po Harim, Adna; ne po Meraioth, Helkai; 16ne po Ido, Zekariah; ne po Ginnethon, Meshullam; 17ne po Abijah, Zikri; ne po Miniamin ak Moadiah, Piltai; 18ne po Bilgah, Shamua; ne po Shemaiah, Jehonathan; 19ne po Joiarib, Mattenai; ne po Jedaiah, Uzzi; 20ne po Sallai, Kallai; ne po Amok, Eber; 21ne po Hilkiah, Hashabiah; ne po Jedaiah, Nethanel.
22Eng' peetuusyegap Eliashib, Joiada, Johanan, ak Jaddua, ki kiit metowegap kooriigap Lawiik, ak ki kiit kora tisiik eng' laitornatetap Dario Persiaindet. 23Ki sirchi metowegap kooriigap Lawiik eng' kitabuutap ateptap peetuusyek agoi koit peetuusyegap Johanan weeriitap Eliashib. a a v23 Kitabuutap ateptap peetuusyek yu ko sirutik che po emet, ma bukuugap Ateptap Peetuusyek che po Bukuit ne Tilil. 24Pounigap Lawiik ko ki Hashabiah, Sherebiah, ak Jeshua weeriitap Kadmiel, kobooto tupchosyekwak eng' taitap icheek, kolasu ak kogoochi kongoi, koboore itindo age itindo age, ko uu ye ki ng'at Daudi chiitap Kwandanyo. 25Mattaniah, Bakbukiah, Obadiah, Meshullam, Talmon, ak Akkub ko ki riibiigap kurgotikyik che riibei konoraik eng' kurgotikyik. 26Ki yae chuuto poisyet eng' peetuusyegap Joiakim weeriitap Jeshua weeriitap Jozadak, ak eng' peetuusyegap Nehemiah pounindet ak Ezra tisiindet ak siriindet.
Kitabaan Irimeet eng' Poiboiyet ne Oo
27Agobo katabaanetap irimeetap Jerusalem, ki cheeng' Lawiik eng' ole tugul ne ki menye ak komut konyo Jerusalem si koyai katabaanet eng' poiboiyet—kongoi, tyeni, sanisyek che cheeitos, kibugandinik ak ketubosyek. 28Kiyumi kora piik che tyeni kobunu kokwotinwek che neegit Jerusalem ak kobunu kokwotinwek che po Netophatik, 29kobunu Beth-gilgal ak emetap Geba ak Azmaveth, amu ki kiteech piik che tyeni kokwotinwek che neegit Jerusalem. 30Ye kingo kagianyinygei tisiik ak Lawiik, ki tiliili piik, kurgotikyik, ak irimeet.
31Yeityo ki aitogosta anee pounigap Judah parak irimeet ak konde itinwek aeng' che oo che tyeni kongoi. Ki wendi itindo age euut tai, parak irimeet, kochoortagei Kurgeetap Eiyanik. 32Ki isup icheek Hoshaiah ak ropta po pounigap Judah, 33kobooto Azariah, Ezra, Meshullam, 34Judah, Benjamin, Shemaiah, ak Jeremiah, 35ak alak eng' weeriigap tisiik kobooto turumbeetisyek: Zekariah weeriitap Jonathan, weeriitap Shemaiah, weeriitap Mattaniah, weeriitap Mikaia, weeriitap Zakur, weeriitap Asap, 36ak tupchosyekyik—Shemaiah, Azarel, Milalai, Gilalai, Maai, Nethanel, Judah, ak Hanani—kobooto kibugandinik che po musik che po Daudi, chiitap Kwandanyo; ki pendi Ezra siriindet eng' tai. 37Eng' Kurgeetap Kondeet, ki itogosta tai ole togosyin Nganaseetap Daudi, parak ole togosyin irimeet, kosiirto kootap Daudi, kot koit Kurgeetap Peek eng' murot kong'asiis.
38Ki wendi itindo ne po aeng' euut kaataam; ki asup anee kobooto ropta po piik, parak irimeet, kosiirto Toweetap Itogik kot koit Irimeet ne Iboor, 39ak kosiirto Kurgeetap Ephraim, Kurgeetap Jeshanah, Kurgeetap Njiryot, Toweetap Hanael, Toweetap Pogol, kot koit Kurgeetap Keechiirek, kotonon eng' Kurgeetap Riibindet. 40Ki tononso itinwek aeng' che tyeni kongoi eng' kootap Kwandanyo—ki atonon kora anee, kobooto ropta po pounik che ki mi kobooto anee, 41ak tisiik Eliakim, Maaseiah, Miniamin, Mikaia, Elioenai, Zekariah, ak Hanani kobooto turumbeetwekwak. 42Ak kora Maaseiah, Shemaiah, Eleazar, Uzzi, Jehohanan, Malkijah, Elam, ak Eser. Kityenso piik che tyeni, kobou Jezrahiah. 43Eng' peetuunooto, ki igoito tiseiywek che oo ak kiboiboitu, amu ki igoochi Kwandanyo poiboiyet ne oo. Kiboiboitu kora kwonyiik ak lagok, ak ki kigas poiboiyetap Jerusalem eng' ole loo.
Riibetap Che Boisyei Kwanda
44Eng' peetuunooto ki kilewen piik koriip konoraik, agobo konunoik, logoiwogap tai, ak somanduuyot, si koyum eng' imbarenigap nganasook kebeberwek che kiile Ng'atuutyet kegoochi tisiik ak Lawiik, amu kiboiboitu Judah agobo tisiik ak Lawiik che poisyei. 45Ki oriip riipseetap Kwandanyo ak ne po katabaanet, ko uu tyendos ak riibiigap luuita, ko uu ye ki ng'at Daudi ak Solomon weeriinnyi. 46Amu keny, eng' peetuusyegap Daudi ak Asap, ki mi pounigap tyendos che ki iwendoti lasuneet ak kongoi ne po Kwandanyo. 47Eng' peetuusyegap Zerubabel ak Nehemiah, ki igoochi Israel tugul eng' peetuut age tugul kebeberwek tyendos ak riibiigap luuita, ak ki itabaan poroteet ne po Lawiik, che ki itabaanji piigap Aron porotennywa.