నెహెమ్యా 12

12 ¹షయల్తీయేలు కుమారుడైన జెరుబ్బాబెలుతోను, యేషూవతోను కూడ వచ్చిన యాజకులును లేవీయులును వీరే: శెరాయా, యిర్మీయా, ఎజ్రా, ²అమర్యా, మల్లూకు, హట్టూషు, ³షెకన్యా, రెహూము, మెరేమోతు, ⁴ఇద్దో, గిన్నెతోయి, అబీయా, ⁵మీయామిను, మయద్యా, బిల్గా, ⁶షెమయా, యోయారీబు, యెదాయా, ⁷సల్లు, ఆమోకు, హిల్కీయా, యెదాయా—వీరు యేషూవ దినములలో యాజకులకును వారి బంధువులకును పెద్దలుగా ఉండిరి.

⁸లేవీయులు: యేషూవ, బిన్నూయి, కద్మీయేలు, షేరేబ్యా, యూదా, మరియు మత్తన్యా; ఇతడు తన సహోదరులతో కూడ కృతజ్ఞతాస్తుతి గీతములను నడిపించెను. ⁹వారి సహోదరులైన బక్బూక్యాయును ఉన్నీయును సేవావంతుల ప్రకారము వారికి ఎదురుగా నిలిచిరి. ¹⁰యేషూవ యోయాకీమునకు తండ్రి, యోయాకీము ఎల్యాషీబునకు తండ్రి, ఎల్యాషీబు యోయాదాకు తండ్రి, ¹¹యోయాదా యోనాతానుకు తండ్రి, యోనాతాను యద్దూవకు తండ్రి.

¹²యోయాకీము దినములలో ఈ యాజకులు పితరుల కుటుంబములకు పెద్దలుగా ఉండిరి: శెరాయా కుటుంబమునకు మెరాయా, యిర్మీయా కుటుంబమునకు హనన్యా, ¹³ఎజ్రా కుటుంబమునకు మెషుల్లాము, అమర్యా కుటుంబమునకు యెహోహానాను, ¹⁴మల్లూకి కుటుంబమునకు యోనాతాను, షెబన్యా కుటుంబమునకు యోసేపు, ¹⁵హారీము కుటుంబమునకు అద్నా, మెరాయోతు కుటుంబమునకు హెల్కయి, ¹⁶ఇద్దో కుటుంబమునకు జెకర్యా, గిన్నెతోను కుటుంబమునకు మెషుల్లాము, ¹⁷అబీయా కుటుంబమునకు జిఖ్రీ, మిన్యామీను మరియు మోవద్యా కుటుంబములకు పిల్తయి, ¹⁸బిల్గా కుటుంబమునకు షమ్మూవ, షెమయా కుటుంబమునకు యెహోనాతాను, ¹⁹యోయారీబు కుటుంబమునకు మత్తెనయి, యెదాయా కుటుంబమునకు ఉజ్జీ, ²⁰సల్లయి కుటుంబమునకు కల్లయి, ఆమోకు కుటుంబమునకు ఏబెరు, ²¹హిల్కీయా కుటుంబమునకు హషబ్యా, యెదాయా కుటుంబమునకు నెతనేలు.

²²ఎల్యాషీబు, యోయాదా, యోహానాను, యద్దూవ దినములలో లేవీయుల కుటుంబముల పెద్దలు వ్రాయబడిరి; పారసీకుడైన దర్యావేషు రాజ్యపరిపాలనలో యాజకులును వ్రాయబడిరి. ²³ఎల్యాషీబు కుమారుడైన యోహానాను దినముల వరకు లేవీయుల కుటుంబముల పెద్దలు దినవృత్తాంతముల గ్రంథములో వ్రాయబడిరి. ^a a v23 ఇక్కడ దినవృత్తాంతముల గ్రంథమనగా అధికారికమైన రాజ్య నమోదు పట్టిక; బైబిలులోని దినవృత్తాంతముల గ్రంథములు కావు. ²⁴లేవీయుల నాయకులు హషబ్యా, షేరేబ్యా, కద్మీయేలు కుమారుడైన యేషూవ; మన తండ్రి భక్తుడైన దావీదు ఆజ్ఞాపించిన ప్రకారము, వారి సహోదరులు వారికి ఎదురుగా నిలిచి, ఒక గుంపు మరియొక గుంపునకు జవాబిచ్చుచు స్తుతించుచు కృతజ్ఞతాస్తుతులు చెల్లించిరి. ²⁵మత్తన్యా, బక్బూక్యా, ఓబద్యా, మెషుల్లాము, తల్మోను, అక్కూబు ద్వారముల యొద్దనున్న గిడ్డంగులను కాచు ద్వారపాలకులుగా ఉండిరి. ²⁶వీరు యోజాదాకు కుమారుడైన యేషూవకు కుమారుడైన యోయాకీము దినములలోను, అధికారియైన నెహెమ్యా దినములలోను, యాజకుడును శాస్త్రియునైన ఎజ్రా దినములలోను సేవచేసిరి.

గొప్ప ఆనందముతో గోడ ప్రతిష్ఠింపబడుట

²⁷యెరూషలేము గోడ ప్రతిష్ఠ కొరకు, వారు లేవీయులను వారు నివసించిన స్థలములన్నిటినుండి వెదకి, కృతజ్ఞతాస్తుతులతోను, గానముతోను, తాళములతోను, స్వరమండలములతోను, సితారాలతోను ఆనందముగా ప్రతిష్ఠను జరుపుకొనుటకు యెరూషలేమునకు వారిని తీసికొనివచ్చిరి. ²⁸గాయకులును యెరూషలేము చుట్టునున్న ప్రాంతమునుండియు, నెటోపాతీయుల గ్రామములనుండియు, ²⁹బేత్గిల్గాలునుండియు, గెబ మరియు అజ్మావెతు గ్రామసీమలనుండియు కూడివచ్చిరి; ఏలయనగా గాయకులు యెరూషలేము చుట్టు తమకొరకు గ్రామములను కట్టుకొనియుండిరి. ³⁰యాజకులును లేవీయులును తమ్మును తాము పవిత్రపరచుకొనిన తరువాత, వారు ప్రజలను, ద్వారములను, గోడను పవిత్రపరచిరి.

³¹అప్పుడు నేను యూదా నాయకులను గోడమీదికి ఎక్కించి, కృతజ్ఞతాస్తుతులు చెల్లించు రెండు గొప్ప గాయక దళములను ఏర్పరచితిని. ఒక దళము గోడమీద కుడివైపున పెంటద్వారము తట్టు నడిచెను. ³²హోషయాయును యూదా నాయకులలో సగముమందియును వారి వెనుక వెళ్లిరి, ³³అజర్యా, ఎజ్రా, మెషుల్లాము, ³⁴యూదా, బెన్యామీను, షెమయా, యిర్మీయాయును, ³⁵బూరలుగల కొందరు యాజకుల కుమారులును వెళ్లిరి: ఆసాపు కుమారుడైన జక్కూరునకు కుమారుడైన మీకాయాకు కుమారుడైన మత్తన్యాకు కుమారుడైన షెమయాకు కుమారుడైన యోనాతానుకు కుమారుడైన జెకర్యా, ³⁶అతని సహోదరులైన షెమయా, అజరేలు, మిలలయి, గిలలయి, మయయి, నెతనేలు, యూదా, హనానీయును మన తండ్రి భక్తుడైన దావీదు వాద్యములతో వెళ్లిరి; శాస్త్రియైన ఎజ్రా ఊరేగింపునకు ముందు నడిచెను. ³⁷ఊటబావి ద్వారము యొద్ద వారు దావీదు పట్టణపు మెట్లమీదుగా చక్కగా ఎక్కి, గోడ ఎక్కుడు మార్గమున దావీదు మందిరమును దాటి, తూర్పున నున్న నీటిద్వారము వరకు వెళ్లిరి.

³⁸రెండవ గాయక దళము ఎడమవైపు వెళ్లెను; నేను ప్రజలలో సగముమందితో గోడమీదుగా, పొయ్యిల గోపురమును దాటి, వెడల్పు గోడ వరకు వారి వెనుక వెళ్లితిని, ³⁹ఎఫ్రాయిము ద్వారమును, పాత ద్వారమును, చేపల ద్వారమును, హనన్యేలు గోపురమును, నూరు గోపురమును దాటి, గొఱ్ఱెల ద్వారము వరకు వెళ్లి, కావలి ద్వారము యొద్ద ఆగితిమి. ⁴⁰కృతజ్ఞతాస్తుతులు చెల్లించు రెండు దళములును మన తండ్రి మందిరములో నిలిచెను; నేనును నాతోనున్న అధికారులలో సగముమందియును నిలిచితిమి, ⁴¹బూరలుగల యాజకులైన ఎల్యాకీము, మయశేయా, మిన్యామీను, మీకాయా, ఎల్యోయేనయి, జెకర్యా, హనన్యాయును నిలిచిరి, ⁴²మయశేయా, షెమయా, ఎలియాజరు, ఉజ్జీ, యెహోహానాను, మల్కీయా, ఏలాము, ఏజెరును నిలిచిరి. గాయకులు యెజ్రహ్యా నాయకత్వమున గానముచేసిరి. ⁴³ఆ దినమున వారు గొప్ప బలులను అర్పించి ఆనందించిరి; ఏలయనగా మన తండ్రి వారికి గొప్ప ఆనందమును అనుగ్రహించెను. స్త్రీలును పిల్లలును కూడ ఆనందించిరి, యెరూషలేము యొక్క ఆనందము దూరమువరకు వినబడెను.

మన తండ్రికి సేవచేయువారి కొరకు శ్రద్ధ వహించుట

⁴⁴ఆ దినమున కానుకల కొరకును, ప్రథమఫలముల కొరకును, దశమభాగముల కొరకును గిడ్డంగులమీద మనుష్యులు నియమింపబడిరి; ధర్మశాస్త్రము యాజకులకును లేవీయులకును నిర్ణయించిన భాగములను ఊళ్ల పొలములనుండి కూర్చుటకు వారు ఏర్పరచబడిరి; ఏలయనగా సేవచేయు యాజకులను బట్టియు లేవీయులను బట్టియు యూదా సంతోషించెను. ⁴⁵దావీదును అతని కుమారుడైన సొలొమోనును ఆజ్ఞాపించిన ప్రకారము, గాయకులును ద్వారపాలకులును చేసినట్లు, వారు మన తండ్రియెడలను శుద్ధీకరణ విషయమునను తమ బాధ్యతను నిర్వర్తించిరి. ⁴⁶ఏలయనగా పూర్వకాలమున, దావీదు మరియు ఆసాపు దినములలో, మన తండ్రికి స్తుతిని కృతజ్ఞతాస్తుతులను నడిపించు గాయక నాయకులు ఉండిరి. ⁴⁷జెరుబ్బాబెలు మరియు నెహెమ్యా దినములలో ఇశ్రాయేలీయులందరు గాయకులకును ద్వారపాలకులకును దినదిన భాగములను ఇచ్చిరి; లేవీయుల కొరకు ఒక భాగమును ప్రత్యేకపరచిరి, లేవీయులు అహరోను సంతతివారి కొరకు ఒక భాగమును ప్రత్యేకపరచిరి.