ፀዋዕታ ኣብራም

ኣቦና ንኣብራም፥ ነቲ ዝፈልጦ ዅሉ ሓዲጉ ናብ ዘይተሰምየት ምድሪ ክወፅእ ነገሮ፥ ንዅለን ዓሌታት ምድሪ ዝበፅሕ በረኸት ድማ ተመባፅዓሉ። ኣብራም ድማ ወዲ ሰብዓን ሓሙሽተን ዓመት ከሎ ኸደ። ድሕሪኡ ጥሜት ናብ ግብፂ ሰጎጎ፤ ኣብኡ ኸዓ ብህይወት ክተርፍ ኢሉ ንሶራ 'ሓፍተይ እያ' ኢሉ ኣቕረባ።

ምዕራፍ 12።

ኣቦና ድማ ንኣብራም ከምዙይ በሎ፦ “ካብ ምድርኻን ካብ ዓሌትካን ካብ ቤት ኣቦኻን ወፂእኻ፥ ናብታ ኣነ ዘርእየካ ምድሪ ኪድ። ዓብዪ ህዝቢ ኽገብረካ እየ፥ ክባርኸካ ድማ እየ፤ ስምካ ኸዓ ከዕብዮ እየ፥ ምእንቲ በረኸት ክትከውን። ነቶም ዝባርኹኻ ኽባርኾም እየ፤ ነቲ ዝረግመካ ድማ ክረግሞ እየ፤ ብኣኻ ድማ ኵለን ዓሌታት ምድሪ ክባረኹ እየን።” ^a

ኣብራም ድማ ከምቲ ኣቦና ዝበሎ ተጓዒዙ ኸደ፤ ሎጥ ከዓ ሰዓቦ። ኣብራም ካብ ካራን ብዝወፀሉ እዋን፥ ወዲ ሰብዓን ሓሙሽተን ዓመት ነበረ። ኣብራም ንሰበይቱ ሶራ፥ ንሎጥ ወዲ ሓዉን፥ ኵሉ እቲ ዘኣከብዎ ጥሪትን፥ ነቶም ኣብ ካራን ዘጥረይዎም ሰባትን ሒዙ፥ ናብ ምድሪ ከነዓን ክኸይድ ተልዓለ፤ ናብ ምድሪ ከነዓን ድማ መፁ። ኣብራም ነታ ምድሪ ሓሊፉ፥ ናብ ቦታ ሴኬም፥ ናብ ዓብዪ ኦም ሞሬ በፅሐ። በቲ ጊዜ እቱይ ከነዓናውያን ኣብታ ምድሪ ነበሩ።

ኣቦና ድማ ንኣብራም ተገሊፁ፥ “ነዛ ምድሪ እዚኣ ንዘርእኻ ክህባ እየ” በሎ። ኣብራም ከዓ ነቲ ዝተገለፀሉ ኣቦና፥ ኣብኡ መሰውኢ ሰርሐ። ^b

ካብኡ ተልዒሉ ናብቲ ብወገን ምብራቕ ቤቴል ዘሎ እምባ ግዓዘ፤ ድንኳኑ ድማ ኣብኡ ተኸለ፤ ቤቴል ብወገን ምዕራብ፥ ጋይ ከዓ ብወገን ምብራቕ ኮይና። ኣብኡ ድማ ንኣቦና መሰውኢ ሰርሐ፤ ስም ኣቦና ኸዓ ፀውዐ። ኣብራም ድማ መገዱ ቀፂሉ፥ ናብ ነጌብ እናተጓዕዘ ኸደ።

ጥሜትን እቲ ናብ ግብፂ ዝወስድ መንገድን

ኣብታ ምድሪ ጥሜት ስለ ዝኾነ፥ ኣብራም ኣብኡ ክቕመጥ ናብ ግብፂ ወረደ፤ እቲ ጥሜት ኣብታ ምድሪ በርቲዑ ነበረ እሞ። ናብ ግብፂ ምስ ቀረበ ድማ፥ ንሰበይቱ ሶራ ኸምዙይ በላ፦ “ፅብቕቲ ሰበይቲ ምዃንኪ እፈልጥ እየ። ግብፃውያን ምስ ረአዩኺ፥ ‘እዛ ሰበይቱ እያ’ ኢሎም ንኣይ ክቐትሉኒ፥ ንዓኺ ግና ብህይወት ከትርፉኺ እዮም። በይዛኺ ‘ሓፍተይ እያ’ በሊ፤ ምእንታኺ ኢሉ ፅቡቕ ምእንቲ ክኾነኒ፥ ብምኽንያትኪ ድማ ብህይወት ክተርፍ።”

ኣብራም ናብ ግብፂ ምስ ኣተወ፥ ግብፃውያን እታ ሰበይቲ የመና ፅብቕቲ ምዃና ረአዩ። መኳንንቲ ፈርዖን ድማ ረአይዋ፤ ኣብ ቅድሚ ፈርዖን ከዓ ነኣዱዋ፤ እታ ሰበይቲ ድማ ናብ ቤተ መንግስቲ ፈርዖን ተወስደት። ምእንታኣ ኢሉ ኸዓ ንኣብራም ፅቡቕ ገበረሉ፤ ኣብራም ድማ ኣባጊዕን ኣብዑርን፥ ተባዕትዮን ኣንስትን ኣእዱግ፥ ኣገልገልትን ኣግራድን፥ ኣግማልን ረኸበ። ኣቦና ግና ምእንቲ ሶራ፥ ሰበይቲ ኣብራም፥ ንፈርዖንን ንቤተሰቡን ብብርቱዕ መቕሰፍቲ ወቕዖም። ፈርዖን ድማ ንኣብራም ፀዊዑ ከምዙይ በሎ፦ “እዚ ዝገበርካኒ እንታይ እዩ? ሰበይትኻ ምዃና ስለ ምንታይ ዘይነገርካኒ? ስለ ምንታይ ‘ሓፍተይ እያ’ ኢልካ ሰበይተይ ክትከውን ዝወሰድክዋ? እንሆ ሕዚ ሰበይትኻ፤ ወሲድካያ ኺድ።”

ፈርዖን ድማ ብዛዕባ ኣብራም ንሰቡ ኣዘዞም፤ ንሱ ምስ ሰበይቱን ምስ ኵሉ ዘለዎን ከዓ ሰደድዎ።