Kasartap aeng'
Konyoonji ng'olyootap Kwandanyo Jona ne po aeng', ak kong'eet Jona kwo, kowendoti Nineveh ooreet ne po peetuut agenge si koamde kole peetuusyek artam alak ak keisto. Ki iyan piigap nganaseet tugul, ki ng'eet laitoryat eng' ng'echereennyi koe kuniet ak oreek, ak ye kingo keer kowegitu, ma koisto icheek Kamuktaindet.
Ng'alaali Kwandanyo eng' mustari 2
3 1Ki nyoonji ng'olyootap Kwandanyo Jona ne po aeng' koleenji,
2“Ng'eet, iwe Nineveh, nganaseet ne oo nooto, ak iamde ng'aleek che agoonin.”
3Ki ng'eet anyun Jona ak kwo Nineveh, ko uu ye ki mwa Kwandanyo. Ki nganaseet ne oo miising' Nineveh, ne kesiir eng' peetuusyek somok. 4Ki wendoti Jona nganaseet ooreet ne po peetuut agenge, ak kowaach koleenji, “Peetuusyek artam alak ak keisto Nineveh!” a a v4 Ng'olyoonooto le "kewirto" ko kigonor ng'omnateet aeng' che ki kiyai kayan — komuuchi komwae keng'emak anan kewelelgei, ne ko lelutyet ne iboorchi ng'olyootap bebaita age tugul ne isubu.
5Ki iyan piigap Nineveh Kamuktaindet. Kimwaita karugutetapkei ak kolaach kuniok, kobooch ne oo kot koit ne ming'in.
6Ye kingo it ng'aleechooto laitoryatap Nineveh, kong'eet eng' ng'echereetap laitornatennyi, ak koreek ngoryennyi, ak kolaach kuniet, ak kotebee oreek. 7Ki mwaita ng'olyoot eng' Nineveh, eng' ng'atuutyetap laitoryat ak piikyik che taagunotiin, koleenji: Amat koam chii age tugul anan tyony, tuuga anan keechiirek, kiy age tugul; amat koaget anan koe peek. 8Ingolaach piik ak tyong'ik kuniok, ak ingowaach chii tugul Kamuktaindet eng' kimnateennywa tugul. Ingoweek chii tugul age tugul eng' ooreennyi ne ya ak eng' puunyoondit ne mi eunekyik. 9Ng'oo ne ngen? Komuuchi Kamuktaindet koweek ak kowal kabwaatutikyik, koweek eng' angeennyi ne koroom, si kemawong'kei.
10Ye kingo keer Kamuktaindet poisyonikwak—kole kigoweek eng' ooreennywa ne ya—kowal Kamuktaindet kabwaatutikyik agobo yaityonooto ki kamwa kole yachin icheek, ak koma yai.