Atam Kachā Kakhane
Ithumwui Avāwui tui kanithura rāthang kala Jonah chāthang, Ninevehli ni akha kathāna, ni 40 thālak kaphungla da khangakao yingkhai. Kaphung khavaina shitkasangda, wungana awui kholuphaotung thānada sāthangthong kala mangvat kathung tungkhai, kala athumna heikhungkhavai mangāhai eina, Varena athumli makhaopāo.
3 1Chieina Jonahli ithumwui Avāwui tui chi atam kakhaneli rāhānga:
2"Ngakarthuida, kahaka keinung Ninevehli vālu, kala ina nali khami pao chi vaolu."
3Chieina Jonahna ngakarthuida ithumwui Avāna hāngkahai thāda Ninevehli vai. Nineveh hi kānkā khavai ngashun kathum kazat kahaka keinung akhana. 4Jonahna keinung chilungli ngashun kathā zatvāda vaoda hānga, "Latluida ngashun hangmati thili, Nineveh horkathānra!" a a v4 "Horkathānra" kaji tui hi apong kani leikahaina—ashimān ngasakra, lah ngalanhaora da theishapra; hi apong kani china hi chapterna rāshok ngasakna.
5Ninevehwui mibingna Vareli shitsanga. Athumna kakhum phongshokta, hakkhameibing eina teokhameibing mateila, bora ngavaiya.
6Pao chi Ninevehwui awungali khavā tharan, ana awui wungpamkhongwui eina ngakarthuida, awui phahon khuithuilaga bora ngavaida hotlālungli pama. 7Awunga eina awui khangambingwui kakaso athishurda, ana Ninevehli hithāda phongshok ngasaka: Mi lah sā, sei lah yao khipānakha, khikha mamazaparanu; maphāshaiaranu kala tara̱ mamangaranu. 8Mi kala sā saikora bora ngavairanu, kala mi saikorana awui yāng saikora eina Vareli ngakaoranu. Mi kachiva̱na awui makhayā apong kala awui pāngli khayonwui eina latungranu. 9Khipāna theikhala? Varena ngareiungda ning ngateilapai, awui malungvātshun kahaiwui eina latunglapai, chieina ithum mashimānmara.
10Athumna makhayā apongwui eina latunga kaji athumwui otsak chi Varena thei tharan, Varena athumwuitungli tāra̱ da hāngkahai kalākashi chiwui pongli ning ngacheihaida, kala chi masāthuwa.
