Carraa Lammaffaa
Dubbiin Abbaa keenyaa altokko lammaffaa Yonaasitti dhufa, innis deema; guyyaa tokko Nineewe seenee guyyaa afurtamaa booda akka garagalfamtu labsa. Magaalaan guutuun ni amana, mootichi teessoo isaa dhiisee uffata gaddaa fi daaraa uffata, isaan deebi'uu isaanii yommuu argu Waaqayyo isaan hin balleessu.
Abbaan keenya lakkoofsa keessatti dubbata 2
3 1Yommus dubbiin Abbaa keenyaa si'a lammaffaa Yoonaasitti dhufe:
2«Ka'i, gara Nineewe magaalaa guddittii sanaa deemi, ergaa ani sitti kennus labsi.»
3Kanaaf Yoonaas ka'ee akkuma Abbaan keenya jedhe gara Nineewe deeme. Nineewe magaalaa baay'ee guddoo turte; ishee ceesisuuf guyyaa sadii fudhata ture. 4Yoonaas guyyaa tokko magaalattii keessa deemee, «Guyyaa afurtama itti aanu keessatti Nineewe gadi garagalti!» jedhee iyye. a a v4 «Gadi garagalti» jechuun hiika lama qabaachuuf tooftaan filatame dha. Diigamuu yookaan jijjiiramuu ta'uu danda'a; kunis qoosaa boqonnaan kun hafe ittiin raawwatu dha.
5Namoonni Nineewe Waaqayyoon amanan. Soomaa labsanii, isaan guddaa irraa hanga xinnaatti uffata gaddaa uffatan.
6Oduun kun mootii Nineewe yommuu qaqqabu, inni teessoo isaa irraa ka'ee, uffata isaa baasee, uffata gaddaa of uffisee dambalii keessa taa'e. 7Nineewe keessatti ajaja mootichaa fi ajajaan gurguddoota isaa kana labsise: Namni yookaan bineensi, loon yookaan hoolaan homaa hin dhandhamin; hin dheedin, bishaanis hin dhugin. 8Namoonni fi bineensonni uffata gaddaa haa uffatan; hundinuu humna isaanii guutuudhaan Waaqayyotti haa iyyatan. Tokkoon tokkoon isaanii daandii hamaa isaa fi jeequmsa harka isaa keessa jiru irraa haa deebi'u. 9Eenyutu beeka? Waaqayyo deebi'ee yaada isaa jijjiiruu, aarii isaa jabaa irraas deebi'uu mala; nuti akka hin badneef.
10Waaqayyo yommuu hojii isaanii, jechuunis daandii hamaa isaanii irraa akka deebi'an arge, badiisa isaan irratti fiduuf sodaachise sana ilaalchisee Waaqayyo yaada isaa jijjiire; hin raawwanne.
