Ilalatenei Utaatyet Taba
Kaneetei ng'omnateet komyee eng' taitap laitoryat ne yaei kiit age tugul ne machei. Mami chii ne tinyei kimnateet koboi usoonet, anan peetuutap meet. Ye ma kiyai kirwooget kochokyi, kochopkei muguleldap piik koyai ne ya, ak konyoor piik che po iman ko uu ne nyolu kiptengeginik. Toroorchi Kaneetindet poiboiyet, ak komwa kole ma kimuuch chii konyooru poisyetap Kamuktaindet.
8 1Ng'oo ne uu che utaatiin? Ng'oo ne ngen weeksetap kiy? Ilalatenei utaatyetap chii tainnyi; ak kiwalei nyigisyetap tainnyi.
2Iriip ng'atuutyetap laitoryat, ale, amu kayosyeng'ung' eng' taitap Kamuktaindet.
Ole Kiwendotee Kimnateetap Laitoryat
3Amochirchir iwe eng' tainnyi, anan iten eng' ng'olyoot ne ya; amu yaei laitoryat kiit age tugul ne machei. 4Amu tinyei ng'olyootap laitoryat kimnateet ne oo, ak ng'oo ne muuchi koleenji, “Iyaei nee?” 5Ineendet ne riibei ng'atuutyet mangen kiy ne ya; ak ngen muguleldo ne utaat sait ak ooreet. 6Tinyei ng'olyoot age tugul saitnyi ak ooreennyi, agot ngo weigei nyalildap chii kot eng' ineendet. 7Amu mangen chii ne tuun koyaak, ak ng'oo ne muuchi komwachi ole kiyaita? 8Mami chii ne tinyei kimnateet koboi usoonet, si koban; anan peetuutap meet. Mami chii ne kiisto eng' lugeennooto, ak ma sar yaityo icheeget che yaei. 9Kaageer chuuto tugul, kagoochi muguleldanyu poisyet age tugul ne kiyaei eng' ng'wony asiista—sait ne pou chii age chiito age si koyaun ne ya.
Ye Keerei Kirwooget Kole Kagagei
10Yeityo ki ageer kiptengeginik koigor ak koming'isye; ki nyoonu ak koba eng' olooto ne tiliil, ak ki kilas eng' nganaseet ole kiyaei nooto. Niito kora ko puch. a a v10 Olooto ne tiliil ko boorei hekaluutap Jerusalem. 11Amu ma kiyai kirwoogetap poisyet ne ya kochokyi, ko kagochopkei mugulelwegap piik koyai ne ya. 12Agot ngo yai kiptengekyot ne ya konyil pogol, ak kota kosap koigeny, ago angen ale kaigaitu icheeget che ywei Kamuktaindet, che ywei eng' tainnyi. 13Ma kaigaitu kiptengeginik, ak ma tesyin peetuusyekwak ko uu urweet, amu ma ywei Kamuktaindet.
14Mi kiy ne puch ne yaigei eng' ng'wony: piik che po iman che nyooru ne nyoljin kiptengeginik, ak kiptengeginik che nyooru ne nyoljin piik che po iman. Kaale niito kora ko puch. 15Kaalas anyun poiboiyet: amu mami kiy ne myee eng' chii eng' ng'wony asiista ne siirei koam, koe, ak kobaibai. Amu niito ne kibooten eng' poisyekwak, peetuusyegap saboondo che ki igoochi Kamuktaindet eng' ng'wony asiista.
16Ye kagonde muguleldanyu angen utaatyet, ak ageer poisyet ne kiyaei eng' ng'wony, agot ngo ma geer konyegap chii rwondo peet anan kemout. 17Yeityo ki ageer poisyetap Kamuktaindet tugul: mami chii ne muuchi konyoor poisyet ne kiyaei eng' ng'wony asiista. Agot ngo kosyach kot, ma nyooru; agot ngo kole che utaatiin kole ngen, koma muuchi konyoor.