Nyoonegei si Igas
Wo kootap Kamuktaindet si igas, ma si ing'alaal; ingong'ering' ng'aleeguk ak igoito ne iarorun. Ne chamei rabisyek ma kobaibai agoi koigeny, ak muuchi kobet mogornateet eng' poisyet age ne ya, ak imong' ko ma itinye kiy ko uu ye ki inyoonu. Kobaibaegei chii eng' kebebertanyi ne po poisyet ko kagoochinetap Kamuktaindet.
5 1Iriip tyegutikyuk ye iwendi kootap Kamuktaindet. Nyoonei si igas, ma si ikoito kagoochinetap che perber—amu ma kongen kole yaei yaityet. 2Amechaakte kuting'ung', ak amegoochi muguleldang'ung' kochaakta kong'alaal eng' taitap Kamuktaindet—mi Kamuktaindet kipsengwet, imi inyee ng'wony, si ingong'ering' ng'aleeguk. 3Amu punu karwotitoet eng' poisyet ne chaang', ak kutitap chii ne perber eng' ng'aleek che chaang'. 4Ye iarorchi Kamuktaindet kaarorunet, mat igaegei igoito—amu ma baibaei eng' che perber. Igoito ne iarorun. 5Karaaran ma iarorun, kosiir iarorun ak ma isulda. 6Amegoochi kuting'ung' koyachin tengekto, anan imwachi kiboryondet kole ki koma nai. Amune koangenchi Kamuktaindet kuting'ung' ak kong'em poisyetap eung'ung'? a a v6 Kiboryondet ko kiboityotap hekaluut anan tisiindet ne ki taach ak kosir kaarorunosyek eng' let ne po Kamuktaindet. 7Amu eng' karwotitaosyek che chaang' ak ng'aleek che chaang' ko miitei che matya. Iywei anyun Kamuktaindet.
Sastaet ak Keljinetap Emet
8Ngo igeer poorto kisastae, ak koteweer kirwooget ak imanda eng' pororyet, mat ikwong'—amu geeroti kiboityot age chiito ne toroor kosiir, ak tononi che toroor kosiir koik. 9Ago keljinet ne po emet ko po chii age tugul; agot laitoryat ko boisyechini mbareet.
10Chii age tugul ne chamei silingisyek ma kosich; ne chamei mogornateet ma kosich keljinet. Ko matya kora niito. 11Ye tesoksei mogornateet, ko tesoksei che amei—mi keljinet nee ne po chiitap ko, ngo ma kogeere konyekyik?
12Anyinyen rwondo ne po boisyoindet, ngo kaam che ng'ering' anan che chaang'; ago abunetap mogoryot ma kogoochi koru.
13Kaageer yaityet ne ya miising' eng' ng'wony tap asiista: mogornateet ne riibei chiitap ko, ne egu yaityet eng' ineendet. 14Ki betote mogornatonooto eng' poisyet ne ya, ak ye kagosich weeriit, koma tinye kiy age ne koonji. 15Ko uu ye ki punu moetap kamennyi, koweekyigei aach ngor, kowendi ko uu ye kibunu, koma koip kiy age eng' labotinyi si koip eunnyi. 16Ko yaityet ne ng'wan kora niito: ko uu ye kibunu, kowendi ko uu nooto. Keljinet nee ne konyoorunee eng' labotigap usoonet? 17Eng' peetuusyekyik tugul koamei eng' mesundeito, kobooto imanateet ne oo, ak myando, ak angeet.
18Nooto ne kaageer: ko myee ak kanyoolu koam chii, koee, ak kogeer ne myee eng' labotik tugul che yaei eng' ng'wony tap asiista eng' peetuusyek che ng'ering' che po saboondanyi che koonu Kamuktaindet—amu nooto kebeberwennyi. 19Kora, ye kagoochi Kamuktaindet chii mogornateet, tuguuk, ak kimnateet si koboiboitunegei chooto, si konam kebeberwennyi ak konyooru poiboiyet eng' labotinyi—nooto ko kagoochinetap Kamuktaindet. 20Ma kobwaat miising' peetuusyegap saboondanyi, amu koboisyee Kamuktaindet ineendet eng' poiboiyetap muguleldanyi.