مينه د علم نه زياته ده
ايا مومنان کولی شي هغه غوښه وخوري چې بتانو ته قرباني شوې وي؟ بت هيڅ نه دی، او يو پلار دی چې ټول شيان له هغه راځي. خو پوهه پړسوي او مينه جوړوي: که د هغه خوړل هغه ورور تباه کړي چې مسيح ورته مړ شو، پولوس به هېڅکله بيا غوښه ونه خوري.
8 1د هغه خوراک په حقله چې بتانو ته قربانى شوے وى: مونږ ته معلومه ده چې مونږ ټولو سره علم شته. علم کبر پېدا کوى، خو مينه جوړوى. 2کۀ څوک داسې ګومان کوى چې هغۀ ته يو څۀ معلوم دى، نو هغۀ لا تر اوسه هغه شان نۀ دى معلوم کړى لکه څنګه چې پکار دى. 3خو کۀ څوک زمونږ پلار سره مينه کوى، نو هغه د هغۀ له پېژندے شوے دے.
4د هغه خوراک خوړلو په حقله چې بتانو ته قربانى شوے وى: مونږ ته معلومه ده چې بت په دې دُنيا کښې هيڅ شے نۀ دے، او له يو پلار نه بغير بل هيڅ پلار نشته. 5ځکه کۀ چرې په آسمان يا په زمکه کښې داسې شيان هم وى چې هغوئ ته بتان وئيلے شى، او رښتيا هم ډېر ”بتان“ او ډېر ”مالِکان“ شته، 6خو زمونږ دپاره خو يو خُدائ پاک شته، يعنې زمونږ پلار، چې ټول شيان د هغۀ نه دى او مونږ د هغۀ دپاره يُو، او يو مالِک شته، يعنې عيسىٰ مسيح، چې ټول شيان د هغۀ په وسيله دى او مونږ د هغۀ په وسيله يُو. a a v6 دلته پولوس پلار او زوئ يو له بل سره څنګ په څنګ ږدى: يو خُدائ پاک زمونږ پلار دے، د ټولو شيانو سرچينه، او يو مالِک عيسىٰ دے، چې د هغۀ په وسيله ټول شيان پېدا شول.
7خو دا علم ټولو سره نشته. ځنې خلق چې لا تر اوسه د بتانو عادت لرى، دا خوراک داسې خورى لکه چې رښتيا بت ته قربانى شوے وى، او د هغوئ کمزورے ضمير ناپاک کيږى. 8خوراک مونږ زمونږ پلار ته نزدې نۀ کوى. کۀ مونږ ونۀ خورو نو مونږ کم نۀ يُو، او کۀ وخورو نو مونږ ښۀ نۀ يُو. 9خو خبردار اوسئ چې ستاسو دا اختيار د کمزورو دپاره د ټکر سبب نۀ شى. 10کۀ څوک تا وګورى، چې علم لرې، د بت په مندر کښې خوراک کوې، نو ايا د هغۀ کمزورے ضمير به زړۀ ور نۀ شى چې هغه خوراک وخورى کوم چې بتانو ته قربانى شوے وى؟ 11نو ستا د علم په سبب دا کمزورے کس تباه کيږى، يعنې هغه ورور چې مسيح د هغۀ دپاره مړ شو. 12کله چې تاسو داسې د خپلو وروڼو خلاف ګناه کوئ او د هغوئ کمزورے ضمير ټپى کوئ، نو تاسو د مسيح خلاف ګناه کوئ. 13نو کۀ خوراک زما ورور په ټکر کښې اچوى، نو زۀ به بيا هيچرې غوښه ونۀ خورم، دې دپاره چې زۀ خپل ورور په ټکر کښې وا نۀ چوم.
