Gyaan Pora Morom Dangor
Murti ke bolidan diya mangso biswasi khan khabo paribo naki? Murti to ki bhi nohoi, aru ekjon he Pitri ase jun pora sob jinis ahe. Kintu gyan to phula di diye, morom pora he bonai diye: jodi tai khana pora Khrista jun karone morise oi bhai nas hoi jai, Paul aru kitia bhi mangso nakhabo.
8 1Murti ke boli diya kha luwa laga kotha te: amikhan sob logote gyaan ase koi kene amikhan jane. Gyaan pora phulai diye, kintu morom pora bonai diye. 2Jodi kunba manuh pora tai kiba ekta jane koi kene bhabe, tai jineka janibo lage tineka etiya tak janai. 3Kintu jodi kunba pora amar Pitri ke morom kore, tai ke Tai pora jane.
4Murti ke boli diya kha luwa khai luwa laga kotha te: amikhan jane prithibi te murti tu eku nohoi, aru ekjon chara dusra Pitri eku nai. 5Kilemane jodi sorgo te nahole prithibi te isor koi kene mata khan thakile bhi—aru hosa bhi bisi “isor” khan aru bisi “probhu” khan ase. 6Kintu amikhan nimite ekjon Isor ase, amar Pitri, sob jinis Tai pora ahe aru amikhan Tai nimite jinda ase; aru ekjon Prabhu Jisu Khrista ase, sob jinis Tai dwara ahe aru amikhan Tai dwara jinda ase. a a v6 Yate Paul pora Pitri aru Putro ke eke logote rakhise: ekjon Isor tu amar Pitri ase, sob jinis laga mul, aru ekjon Prabhu tu Jisu ase, Tai dwara sob jinis bonai hoise.
7Kintu sob manuh logote eitu gyaan nai. Kunba khan, etiya tak murti logote abhyas thaki kene, eitu kha luwa ke hosa pora murti ke boli diya nisena khai, aru tarkhan laga komjur bibek tu moila hoi jai. 8Kha luwa pora amikhan ke amar Pitri usorte loi najai. Jodi amikhan nakhai amikhan biya nahoi, aru jodi khai amikhan bhal bhi nahoi. 9Kintu hoshiar thakibi, tumikhan laga eitu adhikar tu kunba jhan te komjur khan nimite thokar khua jinis nahoi jabole. 10Jodi kunba pora, gyaan thaka tumi ke, murti laga mondir te khai thaka dikhe, tai laga komjur bibek tu murti ke boli diya kha luwa khabole mon dangor nahoi jabo naki? 11Tineka hoile tumi laga gyaan pora eitu komjur manuh tu khotom hoi jai—kun bhai nimite Khrista morise. 12Jitia tumikhan tumikhan laga bhai khan birodh te eneka paap kore aru tarkhan laga komjur bibek ke jokhom kore, tumikhan Khrista birodh te paap kore. 13Tineka hoile jodi kha luwa pora moi laga bhai ke thokar khilai, moi arubar kitia bhi gau-mangso nakhabo, titia moi laga bhai ke thokar nakhilabo.